قازاقستان تاۋار ەكسپورتتاۋدى 20,6 پايىزعا ارتتىردى
«الەمدىك ەكونوميكاداعى تەرىس تەندەنسيانىڭ جالعاسۋىنا قاراماستان 2021 -جىلدىڭ 9 ايى قازاقستان رەسپۋبليكاسىنىڭ سىرتقى ساۋداسىنا ايتارلىقتاي وڭ ديناميكا الىپ كەلدى. اتاپ ايتقاندا، وتكەن جىلدىڭ 9 ايىمەن سالىستىرعاندا تاۋار اينالىمى 12,7 پايىزعا ارتىپ، 72,8 ميلليارد دوللارعا جەتتى. بۇل رەتتە ەكسپورت 20,6 پايىزعا ۇلعايدى»، - دەدى مينيستر سەناتتا وتكەن ۇكىمەت ساعاتىندا.
سونىمەن قاتار ول ەۋرازيالىق ەكونوميكالىق وداق اياسىندا دا 9 ايدىڭ قورىتىندىسىندا تاۋار اينالىمى 18,5 ميلليارد دوللارعا جەتكەنىن، بۇل 2020 -جىلعى ءدال وسىنداي كەزەڭمەن سالىستىرعاندا 28,4 پايىزعا جوعارى ەكەندىگىن اتاپ ءوتتى.
«ەكسپورتتا 39,2 پايىزعا ارتىپ، 5,6 ميلليارد دوللار بولدى. ءبىز كوپجاقتى ينتەگراتسيالىق جانە حالىقارالىق الاڭداردا ەكونوميكالىق مۇددەمىزدى ىلگەرىلەتۋ باعىتىندا بەلسەندى جۇمىس ىستەپ جاتىرمىز»، - دەدى باقىت سۇلتانوۆ.
اۆتور: مارلان جيەمباي