قازاقستانعا 20 -عاسىردا 5,6 ميلليون ادام كوشىرىلگەن

 استانا. قازاقپارات - تاعدىر تالكەگىن باستان كەشىرىپ، قازاق دالاسىنان پانا تاپقان وزگە ۇلت وكىلدەرى بۇگىن بارشا قازاق ەلىنە العىس ايتۋدا، دەپ حابارلايدى «حابار 24».

ەلىمىزدىڭ تۇكپىر-تۇكپىرىندە جالپى ۇلتتىق بىرلىكتى نىعايتۋعا باعىتتالعان 1500-نان شارا ۇيىمداستىرىلدى. بۇل تۋرالى استاناداعى ارنايى باسپا ءسوز ءماسليحاتىندا قازاقستان حالقى اسسامبلەياسى حاتشىسىنىڭ ورىنباسارى ۆيتالي تۆاريوناس مالىمدەدى.

اسىرەسە، قايىرىمدىلىق اكسيالارىنىڭ ورنى ەرەك. بۇل كۇندەرى مۇقتاج جاندارعا 126 ميلليون تەڭگە كولەمىندە كومەك كورسەتىلدى.

احمەت مۋرادوۆ، «ۆايناح» شەشەن-ينگۋش قاۋىمداستىعى ق ب تەڭ ءتوراعاسى:

- قازاقستان حالقى اسسامبلەياسىنىڭ وكىلدەرى ۇنەمى بىرلىك، ىنتىماقتاستىقتى تۋ ەتەدى. بارلىعىمىزدىڭ جۇرەگىمىزدە قازاق حالقىنا دەگەن ىستىق ىقىلاس جاتىر. ءبىزدىڭ وسى ەلگە العىسىمىز شەكسىز. قازاقستان حالقى اسسامبلەياسى قۇرىلعان كۇن بۇگىندە ەرەكشە مەيرامعا ۇلاسقان. ءبىز باقىتتى ەلدە ۇرپاق ءوربىتىپ جاتىرمىز.

 

www.24.kz