الماتىدا كوروناۆيرۋستى جۇقتىرعانداردىڭ دەنى 20-40 جاستاعىلار
بۇل تۋرالى ونلاين بريفينگ بارىسىندا قالالىق سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى جانداربەك بەكشين ءمالىم ەتتى، دەپ حابارلايدى قازاقپارات ءتىلشىسى.
«بۇگىندە قالاداعى ەپيدەميولوگيالىق جاعداي كۇردەلى. بۇل ۆاكسينا قارقىنىنىڭ باسەڭ جۇرۋىمەن جانە ءۇندى شتامىنىڭ تەز تارالۋىنا بايلانىستى. جىل باسىنان بەرى قالادا ك ۆ ي- ءدى جۇقتىرعان 63 مىڭنان استام ناۋقاس تىركەلدى. بۇل رەتتە كوروناۆيرۋس ينفەكتسياسىنىڭ ءۇندى شتامىمەن جوعارى كونتاگيوزدىلىقتى راستاۋ ءۇشىن وتكەن اپتادا قاۋىپتى ىندەت شامامەن 2 ەسەگە ءوستى»، - دەدى ول.
سونىمەن قاتار، ول الماتىنىڭ باس مەملەكەتتىك سانيتارلىق دارىگەرى شىلدەنىڭ ەكى اپتاسىنداعى ستاتيستيكاعا توقتالدى. بارلىعى 7520 ادام ىندەت جۇقتىرعان. بۇل ەپيدەميولوگتاردىڭ پەسسيميستىك بولجامىنا سايكەس 8300 جاعداي.
«وتكەن اپتادا covid-19 قىتاي نۇسقاسىنان تۋىنداعان ىندەتتىڭ العاشقى تولقىنى كەزىندە «سيمپتومدىق» ناۋقاستاردىڭ ۇلەس سالماعى %87 دان %90 عا دەيىن جانە وتكەن جىلدىڭ ءبىرىنشى تولقىنىندا %50 عا وسكەن بولاتىن.
بۇل رەتتە 15- شىلدەدەگى جاعداي بويىنشا الماتى قالاسىنىڭ حالقىن ءبىرىنشى كومپونەنتپەن ۆاكسينالاۋمەن قامتۋ حالىقتىڭ رەسمي سانىنان %32 ( اۋىرىپ جازىلعان ادامداردىڭ %10)، ەكىنشى كومپونەنتپەن %18 (اۋىرىپ جازىلعان ادامداردىڭ %10) قۇرادى، بۇل ءالى دە ەپيدەميولوگيالىق پروتسەستىڭ دامۋىن قامتاماسىز ەتپەيدى»، - دەيدى قالانىڭ باس سانيتار دارىگەرى.
ونىڭ ايتۋىنشا، ەپيدەميولوگتاردىڭ تالداۋى كورسەتكەندەي، 14 جاسقا دەيىنگى جۇقتىرعان بالالاردىڭ ۇلەسى %13 بولدى.
«ال 20 جاستان 40 جاسقا دەيىنگى ازاماتتار اراسىندا اۋىرعاندار %4 عا ءوسىپ، %39 عا جەتتى. 15 پەن 19 جاس ارالىعىنداعى جاس وسپىرىمدەر اراسىندا %0,8 عا ارتىپ، %5 عا جەتتى. 60 جاستان اسقان ادامدار الدەقايدا از جۇقتىرعان. بۇل دەرەكتەردى بەلسەندى ۆاكتسينامەن بايلانىستىرۋعا بولادى. ەگدە جاستاعى ادامداردىڭ %34 ۆاكتسينا العاندار ءارى قوعامدىق ورىندارعا سيرەك بارادى»، - دەيدى ول.
بريفينگ بارىسىندا جانداربەك بەكشين «دەلتا» كوروناۆيرۋس نۇسقاسىنىڭ تەز تارالۋىنا بايلانىستى ۆاكسيناعا سالعىرت قارايتىن جانە قوعامدىق ورىندارعا ءجيى باراتىن 20 مەن 40 جاس ارالىعىنداعى ازاماتتار ەكەنىن ايتتى.
«سونىمەن قاتار 30 بەن 40 جاس ارالىعىنداعى ازاماتتاردىڭ %22 كوبىرەك جۇقتىرعان. 20 مەن 30 جاس ارالىعىنداعى جاستارمەن سالىستىرعاندا %17»، - دەپ قورىتىندىلادى الماتى قالاسىنىڭ باس سانيتارلىق دارىگەرى.