22:28, 16 - ماۋسىم 2021 | GMT +6
الماتى اكىمى: كوروناۆيرۋستى 20-39 جاس ارالىعىنداعى جاستار ءجيى جۇقتىرىپ، تاراتادى
الماتى. قازاقپارات - الماتى قالاسىنىڭ اكىمى باقىتجان ساعىنتايەۆ كوروناۆيرۋس ينفەكسياسىنىڭ نەگىزگى تاراتۋشىسى - جاستار ەكەنىن ايتتى، دەپ حابارلايدى قازاقپارات.
بۇگىن مەگاپوليس اكىمى الماتى تەلەارناسىنداعى Akimat Live باعدارلاماسىندا تىكەلەي ەفيردە تۇرعىنداردىڭ سۇراعىنا جاۋاپ بەردى.
باقىتجان ساعىنتايەۆتىڭ ايتۋىنشا، ىندەت جۇقتىرعانداردىڭ كوبى - 20 مەن 39 جاس ارالىعىنداعى تۇرعىندار. ونىڭ 48 پايىزى قوعامدىق ورىندا جۇقتىرعان.
«بەرىلگەن ستاتيستيكا 20 مەن 39 ارالىعىنداعى جاستاردىڭ قالالىق سانيتارلىق نورمالاردى ۇستانبايتىنىن كورسەتىپ وتىر» دەپ قوستى باقىتجان ءابدىر ۇلى.