+7 (701) 759 90 19
14 °С : نۇر-سۇلتان
24 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

ارالداعى سەكسەۋىل القابى 20 جىلدا 337 مىڭ گەكتارعا جەتكەن

14 ماۋسىم 14:43
:ءبولىسۋ
ارالداعى سەكسەۋىل القابى 20 جىلدا 337 مىڭ گەكتارعا جەتكەن

نۇر- سۇلتان. قازاقپارات - قازاقستان 2030 -جىلعا دەيىن ارالدىڭ تۇزدى تابانىنداعى 1,1 ميلليون گەكتار اۋماققا سەكسەۋىل ەكپەكشى، دەپ حابارلايدى قازاقپارات ءتىلشىسى.

بۇل تۋرالى حالىق الدىندا ەسەپتىك كەزدەسۋىندە ەكولوگيا، گەولوگيا جانە تابيعي رەسرۋرستار ءمينيسترى ماعزۇم مىرزاعاليەۆ ارالدىڭ تابانىنداعى تۇزدى شاڭدى ازايتۋ ماسەلەسىنە دە توقتالدى.

«ارال تەڭىزىنىڭ كەۋىپ قالعان ورنىنا سەكسەۋىل ەگۋ جەكە ماسەلە دەۋگە بولادى. 1990-2021 -جىلدار ارالىعىندا 195 مىڭ گەكتار (قاڭسىعان اۋماقتىڭ % 9- ى) جەرگە سەكسەۋىل وتىرعىزىلدى. بىرنەشە اپتا بۇرىن اتالعان اۋماققا ارنايى ەكسپەديتسيا شىعىپ، ەگىلگىەن اعاشتاردى تەكسەرىپ قايتتى. قازىر ونداعى سەكسەۋىلدىڭ القابى 337 مىڭ گەكتارعا جەتكەن. مەملەكەت باسشىسىنىڭ تاپسىرماسى بويىنشا ءبىز سەكسەۋىل ەگۋدىڭ كەشەندى باعدارلاماسىن ازىرلەپ جاتىرمىز. 2021-2030 -جىلدارى 1,1 ميلليون گ ا جەرگە سەكسەۋىل ەگۋ جوسپارلانعان»، - دەدى ۆەدومستۆو باسشىسى.

ماعزۇم مىرزاعاليەۆ الماتىداعى Sulpak دۇكەنىنىڭ 11 اعاشتى زاڭسىز كەسۋى زاڭنامانىڭ وزگەرۋىنە تۇرتكى بولعانىن ەسكە سالدى.

«زاڭناماعا ايىپپۇلداردى ۇلعايتۋ جانە بۇزۋشىلارعا سانكسيالاردى قاتاڭداتۋ بولىگىندە وزگەرىستەر مەن تولىقتىرۋلار ەنگىزىلدى. وسىلايشا، قىزىل كىتاپقا ەنگىزىلگەن ءاربىر زاڭسىز كەسىلگەن اعاش ءۇشىن زياندى وتەۋ مولشەرى 6-دان 1000 اەك- كە دەيىن ۇلعايتىلدى. بۇدان باسقا، اكىمشىلىك جانە قىلمىستىق كودەكستەرگە ورمان قورىندا جانە قالالار مەن ەلدىمەكەندەر شەگىندە اعاشتاردى جانە بۇتالاردى زاڭسىز كەسكەنى، جويعانى جانە زاقىمداعانى ءۇشىن قۇقىق بۇزۋشىلارعا ايىپپۇلداردى ۇلعايتۋ جانە سانكسيالاردى قاتايتۋ بولىگىندە وزگەرىستەر ەنگىزىلدى»، - دەگەن مينيستر «وسىمدىكتەر الەمى تۋرالى» زاڭ جوباسى ازىرلەنگەنىن، قازىر ول قۇجاتتىڭ ءماجىلىستىڭ قاراۋىندا جاتقانىن اتاپ ءوتتى.

اۆتور: ەسىمجان ناقتىباي


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات