قازاقستاندا 20 جىل ستاجى بار ادامداردىڭ زەينەتاقىسى 30-50 پايتىز كوبەيەدى دەگەن اقپارات جالعان - مينيسترلىك

استانا. قازاقپارات - الەۋمەتتىك جەلىلەر مەن مەسسەندجەرلەردە زەينەتاقى تولەمدەرىن قايتا ەسەپتەۋ ارقىلى 30-50 پايىز ارتتىرۋ تۋرالى شىندىققا جاناسپايتىن اقپارات تارادى.

ەڭبەك جانە حالىقتى الەۋمەتتىك قورعاۋ مينيسترلىگى بۇل حاباردى جوققا شىعاردى، دەپ حابارلايدى قازاقپارات.

تاراتىلعان بەينەروليكتە زەينەتاقىنى ارتتىرۋ ءۇشىن 20 جىلدان باستاپ ەڭبەك ءوتىلى جانە ەڭبەك كىتاپشاسىندا بەلگىلى ءبىر جازبا بولۋى كەرەك دەپ ايتىلادى.

بۇل جاعدايدا روليكتىڭ اۆتورى ونىڭ قانداي جازبا ەكەنىن ءبىلۋ ءۇشىن سىلتەمەگە ءوتۋدى سۇرايدى.

«ازاماتتارعا تەكسەرىلمەگەن سىلتەمەگە كىرمەۋ، سونىمەن قاتار الاياقتار پايدالانا الاتىن كۇماندى ينتەرنەت-رەسۋرستاردا وزدەرىنىڭ جەكە دەرەكتەرىن قالدىرماۋعا كەڭەس بەرەمىز. اقپاراتتى تەك رەسمي كوزدەردەن پايدالانۋدى سۇرايمىز» دەپ ەسكەرتەدى مينيسترلىك.

جالعان اقپارات تاراتۋ زاڭمەن جازالانادى.