قىتايداعى جارىلىستان 2 ادام قازا تاۋىپ، 8 ادام جاراقات العان - ۆيدەو

نۇر-سۇلتان. شينحۋا-قازاقپارات – 25-قاڭتاردا تاڭەرتەڭ جەرگىلىكتى ۋاقىتپەن ساعات 6 شاماسىندا قىتايدىڭ لياونين پروۆينسياسىنداعى داليان قالاسىندا تابيعي گاز قۇبىرى جارىلدى، دەپ حابارلايدى قازاقپارات شينحۋا اگەنتتىگىنە سىلتەمەمەن.

اگەنتتىكتىڭ مالىمەتىنشە، داليان قالاسىنىڭ جينجوۋ اۋدانىنداعى ءبىر تۇرعىن ءۇي ماڭىندا ەكى رەت جارىلىس بولعان. العاشقى جارىلىستان كەيىن وقيعا ورنىندا بولعان 10 عا جۋىق كولىككە ءتۇرلى دارەجەدە زاقىم كەلىپ، كەيبىرى ورتەنىپ كەتتى.

جاقىن ماڭدا ورنالاسقان كولىك جوندەۋ شەبەرحاناسىندا ءورت ءسوندىرۋ قىزمەتى جالىنمەن ارپالىسىپ جاتقاندا ەكىنشى جارىلىس بولدى. جارىلىس قۇبىردان گازدىڭ شىعۋى سالدارىنان بولعان. اپات سالدارىنان 2 ادام قازا تاۋىپ، 8 ادام جاراقات العان. قازىرگى ۋاقىتتا جاراقات العاندار اۋرۋحانادا ەم الىپ جاتىر. جەرگىلىكتى مەملەكەتتىك ورگاندار مەن پوليتسيا اپاتتىڭ سەبەبىن انىقتاۋ ءۇشىن تەرگەۋ جۇمىسىن جۇرگىزۋدە.

اۆتور: مۇحتار مۇرات