الماتى وبلىسى دارىگەرلەرىنىڭ ۇستەمەاقىسىنا 2,89 ميلليارد تەڭگە بولىنگەن

تالدىقورعان. قازاقپارات - الەۋمەتتىك مەديتسينالىق ساقتاندىرۋ قورىنىڭ فيليالى الماتى وبلىسىنىڭ مەديتسينالىق ۇيىمدارىنا ناۋرىز-ماۋسىم ايلارىندا 3,43 ميلليارد تەڭگە تولەدى.

بۇل تۋرالى «Jetisy media» - دا وتكەن بريفينگ بارىسىندا بەلگىلى بولدى، دەپ حابارلايدى قازاقپارات ءتىلشىسى.

بولىنگەن قاراجات مەديتسينالىق كومەك كورسەتۋگە، مەديتسينا قىزمەتكەرلەرىنە ەرەكشە ەڭبەك جاعدايلارى ءۇشىن قوسىمشا اقى تولەۋگە، ستاتسيونار دەڭگەيىندەگى پتر- دياگنوستيكاعا، سونداي- اق امبۋلاتورلىق- ەمحانالىق كومەك دەڭگەيىندەگى پ ت ر- دياگنوستيكاعا باعىتتالعان.

الەۋمەتتىك مەديتسينالىق ساقتاندىرۋ قورىنىڭ الماتى وبلىسى بويىنشا فيليال ديرەكتورى نۇرلان وتارعاليەۆتىڭ ايتۋىنشا، مەديتسينا قىزمەتكەرلەرىنە ەرەكشە ەڭبەك جاعدايلارى ءۇشىن قوسىمشا اقى تولەۋ سوماسىنىڭ ەداۋىر ارتۋى بايقالادى.

بۇل كورسەتكىش شىلدە ايىندا - 1,52 ميلليارد تەڭگەنى قۇراعان.

«رەسپۋبليكالىق بيۋجەت قاراجاتىنان الماتى وبلىسىنىڭ مەديتسينا قىزمەتكەرلەرىنە قوسىمشا اقى تولەۋگە 2,89 ميلليارد تەڭگە ءبولىندى. اي سايىن كوروناۆيرۋس ينفەكتسياسى بويىنشا 1447-دەن 5362 قىزمەتكەرگە ۇستەمەاقى تولەنەدى»، - دەپ اتاپ ءوتتى نۇرلان وتارعاليەۆ.

ايتا كەتەرلىگى، وڭىردە ناۋقاستاردى ەمدەۋگە 3455 مەديتسينا قىزمەتكەرى جۇمىلدىرىلعان. اۋىر ناۋقاستارعا كەڭەس بەرۋ ءۇشىن اۋداندىق جانە وبلىستىق دەڭگەيدە وبلىستىڭ جەتەكشى ماماندارى تارتىلعان ەكى ورتالىق جۇمىس ىستەيدى.

ال سوڭعى اپتادا اۋىر ناۋقاستاردىڭ سانى %32 ازايدى، %20 جاعدايدىڭ جاقسارعانى بايقالادى.