+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

قازاقستاندا 2,7 مىڭ ادام ءومىر بويى جۇرگىزۋشى كۋالىگىنەن ايىرىلدى

18 قازان 13:10
:ءبولىسۋ
قازاقستاندا 2,7 مىڭ ادام ءومىر بويى جۇرگىزۋشى كۋالىگىنەن ايىرىلدى

نۇر-سۇلتان. قازاقپارات - قازاقستاندا 2,7 مىڭ ادام ءومىر بويى جۇرگىزۋشى كۋالىگىنەن ايىرىلدى. بۇل تۋرالى ءى ءى م اكىمشىلىك پوليتسيا كوميتەتى ءتوراعاسىنىڭ ورىنباسارى سەرىك ءتۇسىپوۆ مالىمدەدى.

«جول قوزعالىسى ەرەجەلەرىن ورەسكەل بۇزۋعا كەلەتىن بولساق، جىل باسىنان بەرى ىشكى ىستەر ورگاندارى كولىكتى ماس كۇيىندە باسقارۋدىڭ 18 مىڭعا جۋىق دەرەگىن انىقتادى. 2020 -جىلدان باستاپ كولىكتى ماس كۇيىندە باسقارعانى ءۇشىن 7 جىل قۇقىنان ايىرۋ جانە 15 تاۋلىككە اكىمشىلىك قاماۋعا الۋ قاراستىرىلعان. بۇدان بولەك، اۆتوكولىكتى ماس كۇيىندە جۇرگىزگەن، بۇرىن وسىنداي ارەكەت جاساعان نەمەسە جول اپاتىنا سەبەپشى بولعان جاعدايدا جۇرگىزۋشى قۇقىعىنان ءومىر بويىنا ايىرۋ كوزدەلگەن. قازىر 2,7 مىڭعا جۋىق جۇرگىزۋشى ءومىر بويى جۇرگىزۋشى قۇقىعىنان ايىرىلدى»، - دەدى ءتۇسىپوۆ ءى ءى م بريفينگىندە.

ونىڭ ايتۋىنشا، ەلىمىزدە جول قوزعالىسى ەرەجەلەرىن ءجيى بۇزۋ جىلدامدىقتى ارتتىرۋدان بولادى، بۇل - جالپى جول ەرەجەسىن بۇزۋدىڭ 37 پايىزىنا تەڭ.

«بەلگىلەر مەن تاڭبالار بويىنشا تالاپتاردى بۇزۋ - 26 پايىز، ياعني بۇل - جول قوزعالىسى ەرەجەسىنىڭ ءاربىر ءتورتىنشى بۇزىلۋى. قالعان تۇرلەرىنە كولىك قۇرالدارىن تەحنيكالىق كۇيدە پايدالانۋ قاعيدالارىن، سىرتقى جارىقتى پايدالانۋ قاعيدالارىن، ايالداۋ نەمەسە توقتاپ تۇرۋ قاعيدالارىن جانە جاياۋ جۇرگىنشىلەردىڭ جول ءجۇرۋ قاعيدالارىن بۇزۋ، جولاۋشىلار مەن جۇكتەردى تاسىمالداۋ قاعيدالارىن ساقتاماۋ جاتادى. بۇعان شامامەن 25 پايىز تيەسىلى»، - دەپ اتاپ ءوتتى ول.


:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر

مۇراعات