الماتىدا 2,7 مىڭ ادام «QazVac» ۆاكسيناسىن سالدىردى

الماتى. قازاقپارات - الماتىدا ءبىر تاۋلىكتە 6037 ادام كوروناۆيرۋسقا قارسى ۆاكسينا سالدىردى، دەپ حابارلايدى قازاقپارات ءتىلشىسى.

«4-مامىر كۇنى 6037 الماتىلىق ۆاكسينا سالدىردى. سونىمەن قاتار، 25-ساۋىردەن بەرى 2723 ادام QazVac ۆاكسيناسىن الدى»، - دەپ حابارلادى قالالىق قوعامدىق دەنساۋلىق ساقتاۋ باسقارماسىنىڭ باسپا ءسوز قىزمەتى.

بيىلعى جىلدىڭ 1-اقپانى مەن 5-مامىر ارالىعىندا قالادا بارلىعى 232295 ادامعا ەكپە سالىندى. «سپۋتنيك- V» ۆاكتسيناسىنىڭ 2 كومپونەنتىن 87214 ادام الدى. «Hayat-Vax ۆاكسيناتسياسىن سالدىرۋ باستالدى. ەندى قازاقستاندىقتاردا ك ۆ ي- عا قارسى ءۇش پرەپاراتتىڭ بىرەۋىن تاڭداۋ مۇمكىندىگى بار»، - دەپ اتاپ ءوتتى باسقارماداعىلار.

بۇگىنگى كۇنى قالادا 211 پۋنكت جۇمىس ىستەپ تۇر. 1809 ادامنان تۇراتىن 402 ەگۋ بريگاداسى بار. سونىمەن قاتار، 40 كوشپەلى ءموبيلدى بريگادا ۇيىمداستىرىلدى.