كوروناۆيرۋس: 2 وبلىس «قىزىل»، 6 ءوڭىر «سارى» ايماقتا تۇر

نۇر-سۇلتان. قازاقپارات - ق ر دەنساۋلىق ساقتاۋ مينيسترلىگى 14- قاڭتارداعى ەل وڭىرلەرىندەگى ەپيدەميولوگيالىق احۋالدى باعالاۋ ماتريتساسىن جاريالادى، دەپ حابارلايدى قازاقپارات.

كەشە، ياعني 13- قاڭتاردا «قىزىل» ايماقتا اقمولا مەن قوستاناي وبلىسى بولعان ەدى. بۇگىنگى ماتريتسا وسى ەكى وبلىسپەن قاتار، «قىزىل» جانە «سارى» ايماقتىڭ ورتاسىندا نۇر-سۇلتان تۇرعانىن كورسەتىپ تۇر .

«سارى» ايماقتا ەلوردامەن بىرگە الماتى قالاسى جانە اتىراۋ، پاۆلودار، سولتۇستىك قازاقستان، باتىس قازاقستان وبلىستارى بار. قالعان وڭىرلەردىڭ بارلىعى - «جاسىل» ايماقتا.

جالپى قازاقستان اۋماعى كوروناۆيرۋس بويىنشا «سارى» ايماقتان شىقپاي تۇر.