ليۆيا اسكەريلەرى جوعالعان 2,5 توننا ۋراندى تاپتى

None
تريپولي. قازاقپارات - ليۆيا اۋماعىنىڭ ءبىر بولىگىن باقىلايتىن اسكەريلەر بۇدان بۇرىن ب ۇ ۇ جانىنداعى اتوم ەنەرگياسى جونىندەگى حالىقارالىق اگەنتتىك وكىلدەرى جوعالىپ كەتتى دەپ جاريالاعان 2,5 توننا ۋراننىڭ تابىلعانىن مالىمدەدى، دەپ حابارلايدى قازاقپارات BBC- گە سىلتەمە جاساپ.

جاقىندا ماگاتە ينسپەكتورلارى ليۆياداعى اتى اتالماعان، جەتۋ جولى قيىن قويماعا بارىپ، ەل بيلىگى ماعلۇمداعان 10 باررەل بايىتىلماعان ۋراننىڭ جوقتىعىن انىقتادى.

الايدا، ليۆيانىڭ شىعىس ايماقتارىن باقىلايتىن ۇلتتىق ارميانىڭ (LNA) رەسمي وكىلدەرى بوشكەلەر چادپەن شەكارا ماڭىندا، ليۆيانىڭ وڭتۇستىگىندە ورنالاسقان ساقتاۋ قويماسىنان بەس شاقىرىم جەردە تابىلعانىن ايتادى. ماگاتە بۇل مالىمدەمەنى تەكسەرۋگە تىرىسىپ جاتقانىن حابارلادى.

ليۆيانىڭ باتىس ايماقتارىن بۇۇ مويىنداعان ۇلتتىق كەلىسىم ۇكىمەتى (ۇ ۇ ك) باقىلايدى، ال شىعىسى گەنەرال حاليفا حافتاردىڭ ليۆيا ۇلتتىق ارمياسىنىڭ (LNA) باقىلاۋىندا. ەلدى باقىلاۋعا بىرنەشە باسقا توپ پەن شەت مەملەكەتتەر دە تالاسقا ءتۇسىپ وتىر.

سەيسەنبى، 14-ناۋرىزدا ماگاتە ينسپەكتورلارى ايماقتاعى ءتۇرلى قارۋلى توپتاردىڭ كۇرەسىنە بايلانىستى سوڭعى ۋاقىتتا كىرۋ قيىنعا سوعاتىن سىناق الاڭىن تەكسەرۋگە بارعان. ماگاتە باسشىسى رافاەل گروسسي ينسپەكتورلار ۋران بوشكەلەرىن ولار بولۋى ءتيىس جەردەن تاپپاعانىن ايتتى.

«اگەنتتىك راديواكتيۆتى ماتەريالدىڭ قانداي جاعدايدا شىعارىلعانىن جانە ونىڭ قازىر قايدا ەكەنىن انىقتاۋ ءۇشىن قوسىمشا زەرتتەۋلەر جۇرگىزەدى. راديواكتيۆتى ماتەريالدىڭ قازىرگى ورنى تۋرالى اقپاراتتىڭ بولماۋى راديولوگيالىق قاۋىپ، سونىمەن قاتار يادرولىق قاۋىپسىزدىككە قاتىستى الاڭداۋشىلىق تۋدىرۋى مۇمكىن»، - دەدى گروسسي ماگاتە باسقارۋشىلار كەڭەسىنە مۇشە ەلدەرگە.

جەتىسپەيتىن ۋران بوشكەلەرى ساقتالعان پوليگون ب ۇ ۇ مويىنداعان بيلىك ورگاندارى باقىلايتىن اۋماقتان تىس جەردە ورنالاسقان. ماگاتە كوممەرتسيالىق سپۋتنيكتىك سۋرەتتەردى جانە باسقا دا جالپىعا قولجەتىمدى دەرەكتەردى پايدالانا وتىرىپ، وسى اۋماقتى ۇنەمى باقىلاۋدا ۇستايدى.

سوڭعى جاڭالىقتار