استانادا ا ي ت ۆ ادەيى جۇقتىرعان ەر ادام 2,5 جىلعا سوتتالدى

None
استانا. قازاقپارات - استانادا قاساقانا ا ي ت ۆ جۇقتىرعان ەر ادام 2,6 جىلعا باس بوستاندىعىنان ايىرىلدى، دەپ حابارلايدى قازاقپارات ءتىلشىسى.

اي ت ۆ ينفەكتسياسىنىڭ الدىن الۋ ورتالىعىنىڭ ينفەكتسيانى ەپيدەميولوگيالىق قاداعالاۋ ءبولىمىنىڭ مەڭگەرۋشىسى ءىنجۋ ايماعامبەتوۆا ا ي ت ۆ- ينفەكسياسىن ادەيى جۇقتىرۋ جاعدايلارى تۋرالى ايتىپ بەردى.

«ءيا، مۇنداي جاعدايلار كوپ ەمەس، دەگەنمەن فاكتىلەر بار. ماسەلەن بيىل ەر ادام ءوزىنىڭ ا ي ت ۆ- ستاتۋسىن ەسكەرتپەي، كوڭىل قوسقان ايەلگە ينفەكسيا جۇقتىرعان. كەيىننەن سوت پروتسەسىندە بۇل ونىڭ جالعىز جىنىستىق قاتىناسى بولعانى انىقتالدى. سوندىقتان ماتەريال تەرگەۋ ورگاندارىنا بەرىلدى. قازىر قىلمىستىق ءىس قوزعالىپ جاتىر. كۇدىكتى رەسەي ازاماتى، جۇك كولىگىن ايداپ كەلگەن جانە وسىندا ءبىر ايەلمەن تانىسقان. ءبىز ەپيدەميولوگيالىق تەرگەۋ جۇرگىزەمىز، جۇقتىرۋ جولىن، ينفەكسيانىڭ ىقتيمال كوزىن تابامىز، سودان كەيىن بۇل ادامعا اۋرۋدىڭ كىمنەن جۇعۋى مۇمكىن ەكەنىن ايتامىز. وسىلايشا، قاساقانا اۋرۋ جۇقتىرعان ادامدى سوتقا بەرۋگە بولادى»، - دەپ ءتۇسىندىردى ءىنجۋ ايماعامبەتوۆا.

ياعني، ا ي ت ۆ ينفەكسياسى تابىلعان ادام اقپاراتتاندىرۋ تۋرالى كەلىسىمگە قول قويادى. ول ءوزىنىڭ دياگنوزى تۋرالى بىلەتىندىكتەن، بۇل ءۇشىن جاۋاپكەرشىلىك جۇكتەلەدى. ەگەر ول جىنىستىق قارىم- قاتىناسقا تۇسسە، توسەكتەسىنە ا ي ت ۆ تۋرالى حابارلاۋعا مىندەتتى.

«جيزن ۆوپرەكي» قوعامدىق ۇيىمىنىڭ باسشىسى اينا مۇقىشيەۆا اتالعان سوت ءىسىنىڭ قالاي جۇرگەنىن باياندادى.

«بۇگىن وسى قىزدىڭ ءىسى بويىنشا سوت وتىرىسى ءوتتى. وعان اۋرۋ جۇقتىرعان ەر ادام 2 جىل 6ايعا باس بوستاندىعىنان ايىرىلدى. نەگىزى وعان 5 جىل باس بوستاندىعىنان ايىرۋ جازاسى بەرىلدى، ءبىراق ول بۇرىن ءىستى بولماعاندىقتان، بۇل مەرزىم قىسقارتىلدى»، - دەدى ا. مۇقىشيەۆا.

ايتا كەتەيىك، جىل سايىن 1-جەلتوقساندا الەمدىك قاۋىمداستىق، ونىڭ ىشىندە دۇنيەجۇزىلىك دەنساۋلىق ساقتاۋ ۇيىمى، بىرىككەن ۇلتتار ۇيىمى، قوعامدىق بىرلەستىكتەر مەن ۇكىمەتتەر ا ي ت ۆ/ج ي ت س قارسى كۇرەس كۇنىن وتكىزەدى.

ا ي ت ۆ- ينفەكتسياسىنىڭ الدىن الۋ ورتالىعىنىڭ ديرەكتورى ءسابيت ءابدىرايىموۆ ۆيرۋس جۇقتىرعانداردىڭ ورتاشا جاسى 20-30 جاس ەكەنىن ايتتى. بۇل جالپى ناۋقاستار سانىنىڭ كەم دەگەندە %54 ىن قۇرايدى.

سونداي- اق، استانادا ايتۆ جۇقتىرعان 200 ايەل دەنى ساۋ بالالاردى دۇنيەگە اكەلگەن.

سوڭعى جاڭالىقتار