+7 (701) 759 90 19
14 °С : نۇر-سۇلتان
24 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

قازاقستان اۋماعىنان 2,5 مىڭ زاڭسىز ميگرانت ءوز ەرىكتەرىمەن شىقتى

14 ماۋسىم 13:03
:ءبولىسۋ
قازاقستان اۋماعىنان 2,5 مىڭ زاڭسىز ميگرانت ءوز ەرىكتەرىمەن شىقتى

نۇر- سۇلتان. قازاقپارات - جىل باسىنان بەرى قازاقستان اۋماعىنان 2,5 مىڭ زاڭسىز ميگرانت ءوز ەرىكتەرىمەن شىقتى.

بۇل تۋرالى ق ر ىشكى ىستەر مينيسترلىگىنىڭ رەسمي وكىلى نۇردىلدا وراز ءمالىم ەتتى، دەپ حابارلايدى قازاقپارات ءتىلشىسى.

«ىشكى ىستەر مينيسترلىگى پاندەميا باستالعان ساتتەن داعدارىسقا قارسى تۇراقتاندىرۋ، ونىڭ ىشىندە ميگرانتتاردىڭ قۇقىقتارىن قورعاۋ ءىس- شارالارىن جۇرگىزدى. قازاقستاندا بولۋعا رۇقسات قۇجاتتارىنىڭ مەرزىمى وتكەن شەتەلدىكتەردىڭ قۇقىقتىق مارتەبەسىن انىقتاۋ نەمەسە ولاردى ءۇشىنشى ەل ارقىلى ەلدەن شىعۋلارىن ۇيىمداستىرۋ جۇمىستارىن ۇيىمداستىردى. ءى ءى م كوشى- قون قىزمەتىنىڭ، شەت مەملەكەتتەردىڭ وكىلدىكتەرىنىڭ جانە حالىقارالىق كوشى- قون ۇيىمنىڭ جاردەمىمەن مۇنداي ادامدارعا رۇقسات قۇجاتتارىن راسىمدەۋگە كومەك كورسەتىلدى»، - دەدى نۇردىلدا وراز.

ونىڭ دەرەگىنشە، جىل باسىنان بەرى ءتولقۇجاتتارىنىڭ مەرزىمى وتكەن 675 شەتەلدىك ەلىنە ورالۋ ءۇشىن كۋالىك الدى. سونىمەن قاتار پوليتسيا قىزمەتكەرلەرى 2,5 مىڭ زاڭسىز ميگرانتتىڭ ەل اۋماعىنان ءوز ەرىكتەرىمەن شىعۋىنا كومەك كورسەتتى. «دەگەنمەن، بارلىق شەتەلدىك قۇجاتتارىن رەتتەمەگەن نەمەسە قازاقستان رەسپۋبليكاسى اۋماعىنان شىعىپ كەتپەگەن»، - دەدى رەسمي وكىل.

اۆتور: مارلان جيەمباي


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات