قازاقستان امەريكالىق كومپانيالارمەن 2,5 ميلليارد دوللاردىڭ كەلىسىمشارتتارىنا قول قويدى
ساپار قازاقستان مەن ا ق ش اراسىنداعى تىعىز كوممەرتسيالىق جانە ساۋدا بايلانىستارىن نىعايتىپ، جاڭا جۇمىس ورىندارىن اشۋعا جانە ەكى ەل ەكونوميكاسىنىڭ ءوسىمىن ارتتىرۋعا مۇمكىندىك بەرەدى. پرەزيدەنت ن. نازاربايەۆ وسى شارالار قازاقستاننىڭ 2050-جىلعا قاراي الەمنىڭ وزىق دامىعان وتىز جاھاندىق ەكونوميكاسىنىڭ قاتارىنا كىرۋى ءۇشىن ماڭىزدى ەكەنىن اتاپ ءوتتى. ساپار بارىسىندا ءبىرقاتار كوممەرتسيالىق كەلىسىم- شارتتار مەن قۇجاتتارعا، ونىڭ ىشىندە «Boeing»، «GE Transportation»، «ەير استانا»، «قازاقستان تەمىرجولى» جانە «سكات» كومپانيالارىنىڭ 2,5 ميلليارد ا ق ش دوللارىنان استام كولەمدە امەريكالىق ونىمدەر مەن قىزمەتتەردى ساتىپ الۋ جونىندەگى جاڭا كەلىسىمدەرگە قول قويىلدى.
وسى ەكونوميكالىق ىنتىماقتاستىق مىناداي نەگىزگى باعىتتاردى قۇرايدى:
وڭىرلىك ساۋدا جانە ەكونوميكالىق دامۋ
ۇكىمەتارالىق ىنتىماقتاستىق. قازاقستان مەن ا ق ش دسۇ مىندەتتەمەلەرىن ورىنداۋ، قازىرگى داۋ-دامايلاردى شەشۋ، قازاقستاننىڭ ينۆەستيتسيالىق احۋالىن جاقسارتۋ جانە ەكىجاقتى ينۆەستيتسيالاردى ارتتىرۋ جونىندەگى ىنتىماقتاستىقتى جالعاستىرىپ كەلەدى. ەكى ەل جاقىندا ا ق ش پەن قازاقستاننىڭ جوعارى لاۋازىمدى تۇلعالارىنىڭ ساپارلارىن جەڭىلدەتۋ ارقىلى ەكىجاقتى بايلانىستاردى نىعايتاتىن اەروناۆيگاتسيالىق كەلىسىمگە قول قويدى.
وڭىرلىك ساۋداعا جاردەمدەسۋ. قازاقستان مەن ا ق ش وڭىردەگى ساۋدانى كەڭەيتۋگە ىقپال ەتەتىن ورتالىق ازياداعى ساۋدا جانە ينۆەستيتسيالار جونىندەگى نەگىزگى كەلىسىمنىڭ (ت ي ف ا) اياسىندا ءوزارا ىنتىماقتاستىعىن جالعاستىرىپ كەلەدى.
قازاقستان 2017-جىلعى 12- جەلتوقساندا الماتى قالاسىندا ت ي ف ا- نىڭ ورتالىق ازيا فورماتىنداعى كەزدەسۋىن ۇيىمداستىرىپ، ساۋدا-ساتتىق ماسەلەلەرىندە كوشباسشىلىق تانىتتى. وسى كەزدەسۋ بارىسىندا قازاقستان مەن ا ق ش ساۋدا جانە يننوۆاتسيالاردى ىلگەرىلەتۋ ماقساتىمەن زياتكەرلىك مەنشىك قۇقىقتارىن قورعاۋ جونىندەگى جاڭا وڭىرلىك جۇمىس توبىن قۇرۋعا ۋاعدالاستى.
2017-جىلعى قازاندا قازاقستان ا ق ش- تىڭ حالىقارالىق دامۋ جونىندەگى اگەنتتىگىمەن بىرلەسىپ، 15 ەلدەن 1100 دەن استام رەسمي وكىلدىڭ، كاسىپكەرلەر مەن دونورلاردىڭ قاتىسۋىمەن الماتى قالاسىندا جەتىنشى ورتالىق ازيا ساۋدا فورۋمىن وتكىزدى. بۇل 25 ميلليون ا ق ش دوللارىنان اساتىن سوماداعى ساۋدا كەلىسىمدەرىن جۇرگىزۋ نيەتى تۋرالى مەموراندۋمدارعا بولاشاقتا قول قويۋ مۇمكىندىگىن تۋعىزدى.
ەكى جاقتى ساۋدا. 2016 - جىلى ەكىجاقتى ساۋدا كولەمى 1,9 ميلليارد ا ق ش دوللارىنا جەتتى. ەكى ەل ساۋدا قاتىناستارىن ودان ءارى كەڭەيتۋگە بەيىلدىك تانىتتى. ا ق ش قازاقستاننىڭ ازاماتتىق اۆياتسيا تۋرالى ەكىجاقتى كەلىسىمگە قول قويۋ نيەتىن قۇپتايدى. بۇل كەلىسىم اۋە جولاۋشىلارىنا قولجەتىمدى، ىڭعايلى جانە ءتيىمدى قىزمەت ۇسىنا وتىرىپ، ەكونوميكالىق قاتىناستاردى نىعايتادى جانە ىسكەرلىك بايلانىستاردىڭ وسۋىنە ىقپال ەتەتىن بولادى.
كوممەرتسيالىق اۋە كەمەلەرىمەن ساۋدا جاساۋ. ساپار بارىسىندا ەكى كوشباسشى ا ق ش- تا 7,1 مىڭ تىكەلەي جانە جاناما جۇمىس ورنىنىڭ اشىلۋىن قولدايتىن 1,3 ميلليارد سوماداعى «Boeing» جانە قازاقستان اۋەكومپانيالارى اراسىنداعى جەكەلەگەن كەلىسىمدەردى ماقۇلدادى. اتاپ ايتقاندا، «SCAT» كومپانياسى «Boeing-737 MAX 8» مودەلىنىڭ التى ۇشاعىنا تاپسىرىس بەردى. العاشقى ۇشاقتىڭ جەتكىزىلۋى 2018-جىلعى ناۋرىزعا جوسپارلانعان. بۇل اۋە كەمەلەرى «SCAT» كومپانياسىنىڭ وڭىرلىك جانە حالىقارالىق جەلىسىن كەڭەيتە وتىرىپ، قازاقستان مەن ورتالىق ازيادا مەنشىكتەگى جانە قولدانىستاعى «737 MAX» - تىڭ تۇڭعىش ۇلگىلەرى بولادى. سونىمەن قاتار قازاقستاننىڭ «ەير استانا» ۇلتتىق اۋەكومپانياسى قولدانىستاعى كەلىسىمشارتتىڭ تالاپتارىنا سايكەس ءۇش «787 Dreamliner» ۇشاعىن 2021-جىلعا دەيىن جەتكىزۋ جوسپارىمەن ساتىپ الۋعا نيەتتى ەكەنىن راستادى.
تەمىرجولدار. «دجەنەرال ەلەكتريك» (GE) جانە «قازاقستان تەمىرجولى» (ق ت ج) كومپانيالارى 3,5 مىڭ جاڭا جۇمىس ورنىن قامتيتىن، قۇنى شامامەن 900 ميلليون ا ق ش دوللارىن قۇرايتىن ەكى جاڭا ستراتەگيالىق باستاما جاساستى. «دجەنەرال ەلەكتريك ترانسپورتەيشن» كومانياسى «ق ت ج» ءۇشىن 2019-جىلدان جەتكىزىلە باستايتىن 300 تىركەمەلى لوكوموتيۆ جاساپ شىعارادى. سونداي- اق، «دجەنەرال ەلەكتريك ترانسپورتەيشن» 2018-جىلدان باستاپ «ق ت ج» كومپانياسىنىڭ قولدانىسىنداعى 175 «دجەنەرال ەلەكتريك ەۆو» لوكوموتيۆىنە قىزمەت كورسەتۋ جانە قولداۋ ماقساتىمەن قىزمەتىن ۇسىنۋ تۋرالى 18 جىلدىق كەلىسىمگە قول قويدى. كەلىسىم استاناداعى ق ت ج- نىڭ نەگىزگى تەمىرجول جەلىسىن كەڭەيتۋگە ارنالعان.
اۋىل شارۋاشىلىعى. ا ق ش پەن قازاقستان اۋىل شارۋاشىلىعى سالاسىنداعى ساۋدا قارىم-قاتىناستارىن دامىتۋدىڭ ماڭىزدىلىعىن مويىندايدى جانە ىنتىماقتاستىقتى، سونىڭ ىشىندە بىرلەسكەن اۋىل شارۋاشىلىعى زەرتتەۋلەرىنىڭ اياسىنداعى ىنتىماقتاستىقتى كەڭەيتۋ ءۇشىن مۇمكىندىكتەردى قاراستىرۋدى جالعاستىرادى. بىرلەسكەن زەرتتەۋ جۇمىسى ەكى ەلگە قاۋىپسىز جانە كەڭ اۋقىمدى ازىق-تۇلىكپەن قامتاماسىز ەتۋ ءۇشىن تابىستى جۇمىس ىستەۋگە كومەكتەسەدى.
اۋعانستاننىڭ دامۋى. ا ق ش پەن قازاقستان ساياسي قولداۋ كورسەتۋ، وڭىرلىك ساۋدانى ۇلعايتۋ جانە ەكونوميكالىق دامۋ ارقىلى اۋعانستانداعى تۇراقتىلىق پەن دامۋدى قولدايدى. قازاقستان اۋعانستان ازاماتتارى ءۇشىن ارنايى وقۋ باعدارلاماسىنىڭ اياقتالعانىن جاريالادى جانە قازاقستان مەكەمەلەرىندە وسى ەلدىڭ ماماندارىن وقىتۋدى جالعاستىرۋدى ۇسىندى.
سيفرلىق ينفراقۇرىلىم. «GE Digital» جانە «سامۇرى-قازىنا» ۇلتتىق ءال-اۋقات قورى قوردىڭ يندۋستريالىق كومپانيالار پورتفەلىنىڭ تسيفرلىق دامۋىن تەزدەتۋگە باعىتتالعان ستراتەگيالىق ارىپتەستىك تۋرالى كەلىسىمگە قول قويدى. كەلىسىم قازاقستاندا تۇراقتى تسيفرلىق ەكوجۇيەنى قۇرۋداعى كومپانيالاردىڭ جەتىستىگىن كورسەتەدى جانە «Predix» پلاتفورماسىنا نەگىزدەلگەن «G» كومپانياسىنىڭ سيفرلىق اجىراتىلىمدارىن بىرلەسە باعالاۋدى كوزدەيدى.
عارىشتى زەرتتەۋدەگى كوشباسشىلىق. قۇراما شتاتتار قازاقستاننىڭ حالىقارالىق عارىش ستانتسياسىن امەريكالىق عارىشكەرلەر ۇشىرىلىپ، ولاردىڭ امان- ەسەن قايتا ورالاتىن بەكەتى بولىپ سانالاتىنىن ريزاشىلىقپەن اتاپ وتەدى. ا ق ش قازاقستانعا 2018 -جىلعى 3- ناۋرىزدا جاپونياداعى عارىشتى زەرتتەۋ ماسەلەلەرى جونىندەگى 2- حالىقارالىق فورۋمعا قاتىسۋدى ۇسىنادى. قازاقستان مەن ا ق ش تابيعي جانە تەحنوگەندىك سيپاتتاعى اپاتتاردان زارداپ شەككەن ەلدەرگە عارىش دەرەكتەرىن قابىلدايدى. سونداي- اق، ولاردى تاراتۋدىڭ ءبىرىڭعاي جۇيەسىن قامتاماسىز ەتۋگە باعىتتالعان حالىقارالىق حارتيا اياسىندا قورشاعان ورتاعا جانە تابيعاتقا تونگەن قاۋىپ- قاتەرلەردى انىقتاۋ ءۇشىن عارىشتىق تەحنيكانى قولدانۋ سالاسىندا ىنتىماقتاسۋ مۇمكىندىگىن زەرتتەيدى.
دەنساۋلىق ساقتاۋ. ا ق ش جانە قازاقستان ا ق ش- تىڭ اۋرۋلاردى باقىلاۋ جانە الدىن الۋ ورتالىقتارىمەن (CDC) بىرلەسە وتىرىپ، قازاقستان رەسپۋبليكاسىنداعى دەنساۋلىق ساقتاۋ سالاسىنداعى كورسەتىلەتىن قىزمەتتەردى دامىتادى. سونىمەن قاتار، پيتتسبۋرگ ۋنيۆەرسيتەتىنىڭ مەديتسينالىق مەكتەبى (UPMC) نازاربايەۆ ۋنيۆەرسيتەتىمەن قازاقستان جانە بۇكىل ورتالىق ازيا ازاماتتارىنا قىزمەت كورسەتەتىن الەمدىك دەڭگەيدەگى ونكولوگيالىق ورتالىق قۇرۋ جونىندە ىنتىماقتاستىق ورناتادى.
فارماتسيەۆتيكا. «Pfizer» كومپانياسى جوعارى تەحنولوگيالىق مەديتسينالىق ءونىمنىڭ قايتالاما قاپتاماسىن وقشاۋلاۋ جونىندەگى جوبانى ىسكە اسىرۋ مۇمكىندىگىنە قاتىستى قازاقستانمەن ءوزارا تۇسىنىستىك تۋرالى مەموراندۋمعا قول قويدى. وڭ شەشىم قابىلدانعان جاعدايدا، بۇل جوبا قازاقستاندا ءدارى- دارمەكتەردى تاسىمالداپ، ساقتاۋ ءۇشىن سالقىنداتۋ تىزبەگى جۇيەسىن جەتىلدىرۋ شارالارىن قامتۋى مۇمكىن.
قازاقستان جانە بولاشاقتىڭ ەنەرگياسى
«ەكسپو-2017» حالىقارالىق كورمەسى. قازاقستان «بولاشاقتىڭ ەنەرگياسى» تاقىرىبى اياسىندا ەنەرگەتيكا سالاسىنىڭ يننوۆاتسياداعى كوشباسشىلىعىن كورسەتە وتىرىپ، استانادا «ەكسپو-2017» كورمەسىن وتكىزدى. ەكسپو الاڭى «استانا» حالىقارالىق قارجى ورتالىعى جانە يننوۆاتسيالىق تەحنولوگيالار پاركى ءۇشىن بەرىلەتىن بولادى.
ستراتەگيالىق ەنەرگەتيكالىق ديالوگ. 2017 -جىلى قۇراما شتاتتار مەن قازاقستان بۇرىنعى ەكىجاقتى ەنەرگەتيكالىق ارىپتەستىكتى ستراتەگيالىق ەنەرگەتيكالىق ديالوگقا دەيىن كوتەردى. ديالوگ اياسىنداعى پراكتيكالىق تالقىلاۋلار 2018 -جىلى باستالادى. بۇل كەڭەيتىلگەن فورمات بەيبىت اتوم ونەركاسىبىن دامىتۋ، كومىرتەگىنى ۇستاۋ، ساقتاۋ جانە قولدانۋ تەحنولوگيالارى مەن ەنەرگوتوراپتاردىڭ تۇراقتىلىعى، سونداي- اق يادرولىق قاۋىپسىزدىك پەن تاراتپاۋ سالالارىنداعى ىنتىماقتاستىقتىڭ نەگىزىن قالايدى.
مۇناي مەن گازدى ەكسپورتتاۋ جانە ينۆەستيتسيالار. «شيەۆرون» جانە «ەكسونموبيل» كومپانيالارى قازاقستان نارىعىنا 1993 -جىلى ەنىپ، جاڭا تاۋەلسىز ەلگە ينۆەستيتسيا جاساعان العاشقى ەڭ ءىرى مۇناي كاسىپورىندارىنا اينالدى.
«شيەۆرون» كومپانياسى «تەڭىز» ءىرى كەن ورنىن يگەرۋ بويىنشا 40 جىل مەرزىمدى قامتيتىن ماڭىزدى كەلىسىمشارتقا قول قويدى جانە وتكەن جىلدار ىشىندە كومپانيا مىڭداعان جۇمىس ورنىن اشىپ، ەنەرگەتيكا سالاسىنا الەمدىك دەڭگەيدەگى تەحنولوگيالاردى جانە الدىڭعى قاتارلى تاجىريبەنى ەنگىزدى، سونداي- اق قازاقستانداعى مۇناي جانە گاز وندىرىسىنە ونداعان ميلليارد ا ق ش دوللارىن سالدى.
«شيەۆرون» كومپانياسى قر ەنەرگەتيكا مينيسترلىگىمەن قازاقستانداعى تابىستى جوبالاردى قارجىلاندىرۋ ءۇشىن 251 ميلليون ا ق ش دوللارى كولەمىندەگى رەينۆەستيتسيالىق قورلاردى پايدالانۋ جونىندەگى ءوزارا تۇسىنىستىك تۋرالى مەموراندۋمعا قول قويدى.
جالپى 20,2 ميلليارد ا ق ش دوللارى كولەمىندەگى ينۆەستيتسيا قۇيعان «ەكسون موبيل» كومپانياسى مۇناي جانە گازدى بارلاۋمەن، يگەرۋمەن، وندىرۋمەن جانە تاسىمالداۋمەن بەلسەندى تۇردە اينالىسادى.
«تەڭىزشيەۆرويل» ا ق (ت ش و) - «قاز مۇناي گاز»، «شيەۆرون»، «ەكسونموبيل» جانە «لۋكاركو» كومپانيالارىنىڭ قاتىسۋىمەن اشىلعان بىرلەسكەن ونەركاسىپ - قازاقستاندىق سۋبەكتىلەرگە 124 ميلليارد ا ق ش دوللارىنان استام كولەمدە تىكەلەي قارجىلىق تولەمدەر جاسادى. بۇگىندە قۇنى 36,8 ميلليارد ا ق ش دوللارى كولەمىن قامتيتىن ءوندىرىستى كەڭەيتۋ جونىندەگى جوبانى ىسكە اسىرادى.
«سولتۇستىك كاسپيي بويىنشا ءونىمدى ءبولۋ تۋرالى كەلىسىم» (س ك ب و ب ك) اياسىنداعى جوبا قازاقستانداعى وڭىرلەردە جۇمىس ورىندارىن جانە بيزنەسكە مۇمكىندىكتەر اشاتىن ءىرى شەتەلدىك ينۆەستيتسيالىق جوبا بولىپ سانالادى. «قاشاعان» كەن ورنىنداعى «1-كەزەڭ» جوباسىن ىسكە اسىرۋ قۇنى 55 ميلليارد ا ق ش دوللارىن قۇرادى. ال 2004-جىلدان بەرى ساتىلعان تاۋارلار، جۇمىس جانە قىزمەتتەر كولەمى 13,3 ميللياردتان استام ا ق ش دوللارىن قۇرادى. جوبا ونداعان جىلدار بويى جۇمىس ىستەيتىن بولادى، ال ونىڭ اكتسيونەرلەرى، سونىڭ ىشىندە «ەكسونموبيل» كومپانياسى قازاقستان ۇكىمەتىنە تىكەلەي ميللياردتاعان ا ق ش دوللارى كولەمىندە كىرىس كىرەدى دەپ جوسپارلاپ وتىر.
«شيەۆرون» جانە «ەكسونموبيل» كومپانيالارى «كاسپيي قۇبىر كونسورتسيۋمىنا» (ك ق ك) قاتىسۋ ارقىلى قازاقستان ەكونوميكاسىنىڭ دامۋىنا ۇلەس قوستى. 2017-جىلى ك ق ك مۇناي قۇبىرىن كەڭەيتۋ جوباسىنىڭ قازاقستانداعى ءبولىمىن اياقتادى. بۇل ونىڭ جالپى وتكىزۋ قابىلەتىن كۇنىنە 1,4 ميلليون باررەلگە دەيىن ۇلعايتا الادى. قۇبىرلار جۇيەسى قازاقستان مۇنايىن «تەڭىز» جانە «قاشاعان» كەن ورىندارىنان ەكسپورتتاۋدىڭ ەڭ تارتىمدى نۇسقاسى بولىپ تابىلادى.
اتوم ەنەرگەتيكاسى. قازاقستان جانە قۇراما شتاتتار ءقاۋىپسىز اتوم ەنەرگەتيكاسىن ىلگەرىلەتۋ بويىنشا ىنتىماقتاسۋعا نيەتتى.
2016-جىلى 24 مىڭ توننا يادرولىق وتىن وندىرگەن قازاقستان جەتەكشى ۋران جەتكىزۋشى بولىپ سانالادى.
2017 -جىلى قازاقستان قۇراما شتاتتارمەن بىرلەسە وتىرىپ، ماگاتە- ءنىڭ تومەن بايىتىلعان ۋران بانكىن (ت ب ۋ ب) اشتى. ت ب ۋ ب تازا اتوم ەنەرگياسىنا كوشەتىن ەلدەر ءۇشىن وتىننىڭ سەنىمدى كوزىن ۇسىنادى جانە بايىتۋ تەحنولوگيالارىنىڭ تارالۋ قاۋپىن ازايتادى.
وڭىرلىك ەنەرگەتيكالىق جۇيەنى جاڭعىرتۋ. قازاقستان مەن قۇراما شتاتتار ورتالىق ازيانىڭ وڭىرلىك ەنەرگەتيكالىق جۇيەسىن قايتا بىرىكتىرۋگە، ەنەرگەتيكالىق قاۋىپسىزدىكتى ارتتىرۋعا، ەكونوميكالىق تۇراقتىلىقتى جاقسارتۋعا جانە كوممەرتسيالىق ينۆەستيتسيالاردى قولداۋعا ارنالعان تەحنولوگيالار مەن جوبالاردى زەردەلەۋگە كەلىستى.
«بولاشاقتىڭ ەنەرگياسى» - ءوڭىردىڭ اتموسفەراعا زياندى زاتتاردى از كولەمدە شىعاراتىن، كليماتتىق تۇرعىدان ورنىقتى ەكونوميكاعا وتۋىنە قولداۋ كومەكتەسەتىن 2015 -جىلعى ورتالىق ازيانىڭ بەس ەلى مەن امەريكا قۇراما شتاتتارىنىڭ ارىپتەستىگى (س5+1) تۋرالى بىرلەسكەن دەكلاراتسيا اياسىنداعى وڭىرلىك شارا.
«بولاشاقتىڭ ەنەرگياسى» باعدارلاماسى قازاقستانداعى ەنەرگەتيكالىق تيىمدىلىكتى ارتتىراتىن، سونداي- اق پارنيكتىك گازداردى شىعارۋدى ازايتۋدىڭ بيىك ماقساتتارىن بەلگىلەپ، ولارعا جەتۋ مۇمكىندىكتەرىن جاقسارتۋ ءۇشىن قايتا قالپىنا كەلەتىن ەنەرگيا سالاسىنداعى جوبالاردى قولدايدى.
ادامي كاپيتالدى نىعايتۋ
ۆيزالىق باعدارلاما. 2015 -جىلى قازاقستان ا ق ش ازاماتتارى ءۇشىن ۆيزاسىز كىرۋ جونىندەگى قىسقامەرزىمدى باعدارلاماسىنا باستاماشىلىق جاسادى، ال قۇراما شتاتتار قازاقستان ازاماتتارى ءۇشىن 10 جىلدىق ىسكەرلىك جانە تۋريستىك ۆيزالاردى بەرە باستادى. بۇل ۆيزالىق رەجىمدەر ينۆەستيتسيا جانە تۋريزم ءۇشىن جاڭا مۇمكىندىكتەر اشىپ، ەكى ەل اراسىنداعى بايلانىستىڭ ارتۋىنا ىقپال ەتتى.
ساياحاتتار. بۇگىندە قۇراما شتاتتاردا شامامەن 26 مىڭ قازاقستان ازاماتى تۇرادى. ال قازاقستاندا 5 مىڭنان استام ا ق ش ازاماتى مەكەندەيدى. وتكەن جىلى قۇراما شتاتتار قازاقستان ازاماتتارىنا 18 مىڭ ۆيزا بەردى، بۇل قۇراما شتاتتارعا كوپتەگەن ساپار جاساۋعا مۇمكىندىك بەردى.
ءبىلىم بەرۋ. قۇراما شتاتتار قازاقستان رەسپۋبليكاسىنا ءۇشتىلدى قوعام قۇرۋ ءۇشىن كومەكتەسۋگە دايىن ەكەنىن ءبىلدىردى. قۇراما شتاتتار قازاقستاندا اعىلشىن تىلىنە قولجەتىمدىلىكتى جاقسارتۋ جانە اعىلشىن ءتىلى مۇعالىمدەرىنىڭ جاڭا بۋىنىن دايارلاۋ ماقساتىمەن دامۋ باعدارلاماسىن رەسۋرستارمەن قامتاماسىز ەتەتىن بولادى. 2017-جىلى 2800 دەن استام قازاقستاندىق مۇعالىمدەر اعىلشىن تىلىنەن بىلىكتىلىگىن ارتتىرۋ جونىندە ينتەرنەت-سەمينارلارعا قاتىستى.
2018-جىلى امەريكالىق مۇعالىمدەر قازاقتان وڭىرلەرىندە اعىلشىن ءتىلىن وقىتۋدى جاقسارتۋعا كومەكتەسەتىن بولادى.
«اعىلشىن تىلىنە قولجەتىمدىلىك جونىندەگى ميكروستيپەنديا» باعدارلاماسى تۇرمىسى تومەن وتباسىلاردان شىققان جاس شاكىرتتەرگە مەكتەپتەن كەيىنگى ساباقتارعا قاتىسۋعا جانە جازعى وقۋ لاگەرلەرىندە ءبىلىم الۋعا كومەكتەستى.
قۇراما شتاتتار قازاقستاندىق 230 جۋرناليستىڭ كاسىبي بىلىكتىلىگىن جاقسارتاتىن «جۋرناليستەرگە ارنالعان اعىلشىن ءتىلى» باعدارلاماسىن قارجىلاندىرادى.
«بولاشاق» باعدارلاماسى. 1993-جىلى قازاقستان شەت ەلدەردە وقۋ ءۇشىن «بولاشاق» پرەزيدەنتتىك ستيپەندياسى باعدارلاماسىن باستادى. قازاق تىلىندە «كەلەشەك» ۇعىمىن بىلدىرەتىن «بولاشاق» باعدارلاماسى قازاقستان جاستارىن الەمنىڭ ەڭ ۇزدىك ۋنيۆەرسيتەتتەرىندە وقىتۋداعى ماڭىزى زور.
«بولاشاق» باعدارلاماسى - قازاقستان ستۋدەنتتەرىنە شەتەلدىك جوعارى وقۋ ورىندارىندا ءبىلىم الۋ ءۇشىن تولەنەتىن بۇكىل الەمگە تانىمال ستيپەنديا.
قۇراما شتاتتار ستيپەندياتتاردى ىرىكتەۋ پروتسەسىندە جانە وسى باعدارلاماعا اتسالىساتىن ا ق ش ۋنيۆەرسيتەتتەرىنىڭ قاتارىن كەڭەيتۋگە كومەكتەسۋ ءۇشىن «بولاشاق» باعدارلاماسىمەن ىنتىماقتاستىق ورناتقان.
وسى باعدارلاما قۇرىلعان 1993-جىلدان بەرى 12,5 مىڭنان استام قازاقستاندىق ستۋدەنت «بولاشاق» ستيپەندياسىنا يە بولدى. ولاردىڭ 2315 ستيپەندياتى قۇراما شتاتتاردا ءبىلىم الدى. «بولاشاق» ستيپەندياتتارى وقۋدى اياقتاعان سوڭ كەمىندە بەس جىل قازاقستاندا جۇمىس ىستەۋگە ءتيىس. قازىرگى تاڭدا ا ق ش- تىڭ جوعارى وقۋ ورىندارىندا 358 ستيپەنديات وقيدى.