تۇركىستاندا 2 مىڭ ليتر ناۋرىز كوجە دايىندالىپ، 500 كەلى باۋىرساق ۇلەستىرىلدى
دەپ حابارلايدى قازاقپارات ءتىلشىسى.
سالتاناتتى جيىنعا وبلىس اكىمى ءومىرزاق شوكەيەۆ ارنايى قاتىسىپ، ءوڭىر تۇرعىندارى مەن قوناقتارىن ايتۋلى مەرەكەمەن قۇتتىقتادى.
«تۇركىستان وبلىسىندا ناۋرىز مەرەكەسى 14- ناۋرىزدان باستالدى. وبلىسىمىزدا ءار كۇنگە ءارتۇرلى ات بەرىلىپ، ماعىنالى ءارى مازمۇندى ءىس- شارالار، جالپىحالىقتىق سەرۋەندەر ءوتتى. كوشەتتەر وتىرعىزىلىپ، قالانى كوركەيتۋ جۇمىستارى جانداندى. ۇلتتىق كيىم مەن ءداستۇرلى ءان- كۇيلەرىمىز ناسيحاتتالدى. بۇگىنگى مەرەكەنى پايدالانا وتىرىپ، بارشاڭىزدى تۇركىستاندى گۇلدەندىرۋگە ۇلەس قوسۋعا شاقىرامىن. «ىنتىماق جۇرگەن جەردە، ىرىس بىرگە جۇرەدى» دەگەن ماقال بار. بىرلىگىمىز مىقتى، ەلىمىز تىنىش بولسا، تۇركىستانىمىزدىڭ كەلەشەگى جارقىن بولاتىنى ءسوزسىز. بارشاڭىزدى ۇلىستىڭ ۇلى كۇنى - ناۋرىز مەرەكەسىمەن شىن جۇرەكتەن قۇتتىقتايمىن»، - دەدى ءومىرزاق شوكەيەۆ.
مەرەكەلىك شارادا جىل باسىنىڭ باستالۋىن كورسەتەتىن تەاترلاندىرىلعان قويىلىم قويىلدى. سونداي- اق، ەتنواۋىلدا وبلىستاعى اۋدان- قالالار كيىز ۇيلەر تىگىپ، ۇلتتىق تاعامداردان داستارقان جايىلدى. جۇرتشىلىققا 500 كەلى باۋىرساق ۇلەستىرىلدى. قوناقتار ءۇشىن 2000 ليتر ناۋرىز كوجە دايىندالىپ، 1,5 توننا پالاۋ باسىلدى. ودان بولەك، قولونەرشىلەر جاساعان ءتۇرلى ۇلتتىق بۇيىمداردان كورمە ۇيىمداستىرىلدى.
اۆتور: اينۇر اقبايەۆا
