قازاقستاندىقتار تامىز ايىندا 2,4 مىڭنان استام التىن قۇيما ساتىپ الدى

الماتى. قازاقپارات - ەل تۇرعىندارى 2021- جىلدىڭ تامىز ايىندا 2400 دەن استام التىن قۇيما ساتىپ الدى، دەپ حابارلايدى قازاقپارات ق ر ۇلتتىق بانكىنىڭ باسپا ءسوز قىزمەتىنە سىلتەمە جاساپ.

2021 -جىلدىڭ تامىز ايىندا قازاقستاندىقتار ەكىنشى دەڭگەيدەگى بانكتەردەن جانە ايىرباستاۋ پۋنكتتەرىنەن جالپى سالماعى 113,7 كەلى 2460 ولشەمدى قۇيما ساتىپ الدى. التىن قۇيمالارى 5، 10، 20، 50 جانە 100 گرامدىق بولىپ بەس سالماقتا ساتىلعان. سونىڭ ىشىندە ەڭ كوپ ساتىلعانى 10 گرامدىق قۇيما.

نەگىزىنەن، ولشەنگەن قۇيمالار الماتى، نۇر- سۇلتان جانە اتىراۋ قالالارىندا سۇرانىسقا يە. ءاربىر قۇيما قورعانىش ەلەمەنتتەرىمەن (قۇيمالاردىڭ بەت جاعى ايناداي، ميكروماتىن جانە بەدەرلى گۋرت) جانە قۇيمالاردى مەحانيكالىق زاقىمدانۋدان قورعايتىن جانە وراۋى اشىلعانىن نەمەسە اشىلماعانىن تەز انىقتاۋعا مۇمكىندىك بەرەتىن ارنايى وراۋدا شىعارىلادى. قورعانىش وراۋى قۇيما ساپاسىنىڭ سەرتيفيكاتىن بىلدىرەدى.

قازىرگى كەزدە التىن قۇيمالارىن Halyk Bank-تەن، ەۋرازيالىق انكتەن، Jýsan Bank -تەن، بانك سەنتركرەديتتەن، سونداي- اق ايىرباستاۋ پۋنكتەرىنەن ساتىپ الۋعا جانە ولاردى قايتا وتكىزۋگە بولادى.

اۆتور: الما مۇقانوۆا