استانانى گازداندىرۋدىڭ 2-كەزەڭىنە 3 ميلليارد تەڭگە بولىنەدى

استانا. قازاقپارات - 2024 -جىلى استانانى گازداندىرۋدىڭ 2- كەزەڭىنە 3 ميلليارد تەڭگە بولىنەدى، دەپ حابارلايدى قازاقپارات ءتىلشىسى.

بۇل تۋرالى ەنەرگەتيكا مينيسترلىگىنىڭ بيۋجەتتىك باعدارلاماسىنىڭ جوباسىندا ايتىلعان.

قۇجاتتاعى مالىمەتكە سۇيەنسەك، جوعارى قىسىمدى گاز قۇبىرىن تارتۋدىڭ 2- كەزەگى 2024-جىلعا جوسپارلانعان. وسىنىڭ ارقاسىندا 3-9 ىسكە قوسۋ كەشەندەرى سالىنباق. بۇل ماقساتقا ەنەرگەتيكا مينيسترلىگى 3 ميلليارد تەڭگە جۇمساماقشى.

ال 2025-جىلى قۇرىلىستىڭ Ⅲ كەزەگى ىسكە اسىرىلادى. بۇل كەزەڭدە گاز قۇبىرىن بۇرۋ جوباسى ورىندالىپ، 1-3- ىسكە قوسۋ كەشەندەرى سالىنادى. بۇل ماقساتقا بيۋجەتتەن 3 ميلليارد 672 ميلليون 951 مىڭ تەڭگە قاراستىرىلعان.

جالپى مينيسترلىك 2024-جىلى رەسپۋبليكا بويىنشا 176342 ادام مەن 25 اۋىلدىق ەلدى مەكەندى گازداندىرۋدى جوسپارلاپ وتىر.