بيىل ءبىر ۆيتسە-مينيستر، 2 سۋديا، 3 گەنەرال جەمقورلىق فاكتىسىمەن ۇستالعان

None
None
نۇر-سۇلتان. قازاقپارات - 2022-جىلدىڭ باسىنان بەرى 1 ۆيتسە- مينيستر، 2 سۋديا، 3 گەنەرال جەمقورلىق فاكتىسى بويىنشا جاۋاپكەرشىلىككە تارتىلعان، دەپ حابارلايدى قازاقپارات ءتىلشىسى.

بۇل تۋرالى سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى ولجاس بەكتەنوۆ ءمالىم ەتتى.

«بۇگىن مەن مەملەكەت باسشىسىنا سىبايلاس جەمقورلىققا قارسى ءىس-قيمىل بارىسىنىڭ ناتيجەسىن باياندادىم. جىل باسىنان بەرى ەلىمىزدە ءبىر مىڭنان استام سىبايلاس جەمقورلىق فاكتىلەرى تىركەلىپ، 600 دەن استام تۇلعا قىلمىستىق جاۋاپكەرشىلىككە تارتىلدى. سونىڭ ىشىندە 1 ۆيتسە- مينيستر، 2 سۋديا، 3 گەنەرال بار. پرەزيدەنتتىڭ ەلىمىزدە ءتارتىپ ورناتۋ، ەكونوميكامىزدى مونوپوليادان بوساتۋ تۋرالى تىكەلەي تاپسىرماسىمەن جۇرگىزىلىپ جاتقان جۇمىستىڭ ناتيجەسىندە 220 ميلليارد تەڭگەدەن استام قاراجات بيۋجەتكە قايتارىلدى»، - دەدى اگەنتتىك باسشىسى بورت 1№ ارناسىندا جاريالانعان شاعىن سۇحباتتا.

ونىڭ سوزىنشە، سىبايلاس جەمقورلىقتىڭ الدىن الۋ باعىتى بويىنشا دا بەلسەندى جۇمىس اتقارىلىپ كەلە جاتىر.

«جاقىندا عانا اگەنتتىك قىزمەتكەرلەرى كولىكتىك باقىلاۋ كوميتەتىنىڭ جۇمىسىن تالدادى جانە قۇزىرەتتى ورگاندارعا ءتيىستى ۇسىنىستار ەنگىزدى. مەملەكەت باسشىسى باياندامامدى مۇقيات تىڭداپ، اگەنتتىكتىڭ قىزمەتىن ودان ءارى جەتىلدىرۋ بويىنشا ءتيىستى تاپسىرمالار بەردى»، - دەدى ولجاس بەكتەنوۆ.

ايتا كەتەيىك، بۇگىن پرەزيدەنت سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى ولجاس بەكتەنوۆتى قابىلدادى.

سوڭعى جاڭالىقتار