USD 434.24 EUR 492.69
RUB 5.67 CNY 68.46
جاڭالىقتار

قازاقستاندا اگرارلىق عىلىمدى قارجىلاندىرۋ كولەمى 2,3 ەسە ۇلعايدى

6 قازان 18:49
:ءبولىسۋ
قازاقستاندا اگرارلىق عىلىمدى قارجىلاندىرۋ كولەمى 2,3 ەسە ۇلعايدى

نۇر- سۇلتان. قازاقپارات - اۋىل شارۋاشىلىعى ءمينيسترى ساپارحان وماروۆ اگرارلىق عىلىمدى دامىتۋ جانە مامان دايارلاۋ باعىتى بويىنشا مينيسترلىكتىڭ جوسپارلى جۇمىسىن بايان ەتتى، دەپ حابارلايدى قازاقپارات ءتىلشىسى.

«بۇگىنگى تاڭدا الەمدەگى فەرمەرلەردىڭ ەداۋىر بولىگى ءبىلىمنىڭ جەتىسپەۋشىلىگىنەن كۇيرەپ بارادى. بۇل وقىپ، بىلىكتىلىگىن ارتتىرۋ مۇمكىندىگىنىڭ جوقتىعىنا دا، جالپى اگرارلىق عىلىمنىڭ دامۋىنا دا قاتىستى ورىن الۋدا. وسى تۇيتكىلدى ماسەلەلەردى شەشۋ ءۇشىن رەسپۋبليكامىزدا اگروونەركاسىپتىك كەشەن سۋبەكتىلەرى ءۇشىن ءبىلىم تاراتۋ بويىنشا قىزمەت كورسەتۋ تاسىلدەمەلەرى قايتا قارالدى. وسى ماقساتتا ۇلتتىق اگرارلىق عىلىمي- ءبىلىم بەرۋ ورتالىعى ەنشىلەس ۇيىمدارىنىڭ قۇرىلىمى وزگەردى. قازىر ورتالىقتى حالىقارالىق ستاندارتتار تالاپتارىنا سايكەس كەلتىرۋ، بيزنەستىڭ قاجەتتىلىگىنە باعدارلاۋ جۇمىستارى جۇرگىزىلۋدە. عىلىمي- زەرتتەۋ ينستيتۋتتارىنىڭ، تاجىريبەلىك ستانتسيالاردىڭ، تاجىريبەلىك- وندىرىستىك شارۋاشىلىقتاردىڭ بازاسىندا 22 ءبىلىم تاراتۋ ورتالىعى قۇرىلدى. سونداي- اق تۇراقتى جۇمىس ىستەيتىن كونسۋلتاتسيالىق ورتالىقتار ۇيىمداستىرىلادى»، - دەدى ساپارحان وماروۆ و ك ق- دا وتكەن باسپا ءسوز ءماسليحاتىندا.

ونىڭ ايتۋىنشا، اگرارلىق عىلىمدى قارجىلاندىرۋ كولەمىنىڭ جەتكىلىكتى بولۋى قامتاماسىز ەتىلەدى. ماسەلەن، بيىل ۇكىمەت جانىنداعى جوعارى عىلىمي- تەحنيكالىق كوميسسيا باعدارلامالىق- نىسانالى قارجىلاندىرۋ بويىنشا الداعى 3 جىلعا 50,4 ميليارد تەڭگە سوماسىنداعى جالپى قارجىلاندىرۋ كولەمىن ماقۇلداعان. بۇل الدىڭعى ءۇش جىلدىق كەزەڭمەن (21,7 ميليارد تەڭگە) سالىستىرعاندا 2,3 ەسە كوپ. بۇل قاراجاتقا زەرتتەۋدىڭ 10 باسىم باعىتى (وسىمدىك شارۋاشىلىعى، مال شارۋاشىلىعى، ۆەتەريناريا، اۋىل شارۋاشىلىعى شيكىزاتىن وڭدەۋ جانە باسقا) بويىنشا 36 عىلىمي- تەحنيكالىق باعدارلاما ازىرلەۋ جوسپارلانعان.

«بيزنەستىڭ وتاندىق عىلىمي زەرتتەۋلەرگە دەگەن سۇرانىسىن قامتاماسىز ەتۋ، كاسىبي كادر تاپشىلىعى پروبلەماسىن شەشۋ ءۇشىن بارلىق قاجەتتى نورماتيۆتىك- قۇقىقتىق نەگىز جاسالدى. مىسالى، ەكى ءىرى اگرارلىق جوعارعى وقۋ ورنى - قازاق ۇلتتىق اگرارلىق ۋنيۆەرسيتەتى مەن س. سەيفۋللين اتىنداعى قازاق اگروتەحنيكالىق ۋنيۆەرسيتەتى زەرتتەۋ ۋنيۆەرسيتەتى مارتەبەسىنە يە بولدى. بۇل باعىتتاعى جۇمىس جالعاسادى»، - دەدى ول.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات