قىتايمەن شەكاراداعى «نۇر جولى» وتكىزۋ بەكەتىندە 2,3 مىڭ جۇك كولىگى تۇر
وتكىزۋ- باقىلاۋ بەكەتىندەگى كۇردەلى جاعدايدى شەشۋ جانە مۇنداعى قۇقىقتىق ءتارتىپتى رەتتەۋ ءۇشىن پانفيلوۆ اۋدانى اكىمدىگىندە جەدەل شتاب قۇرىلدى.
«پاندەمياعا بايلانىستى قىتاي حالىق رەسپۋبليكاسى وزگە ەلدەردەن قابىلدايتىن كولىك سانىن قىسقارتتى. سونىڭ سالدارىنان وتكىزۋ بەكەتىندە جۇك اۆتوكولىكتەرىنىڭ كەپتەلىسى ورىن الدى. بۇگىنگى تاڭدا ونىڭ ۇزىندىعى 58 شاقىرىمدى قۇرادى، جالپى سانى - 2 مىڭ 366 جۇك كولىگى. اۋدان اكىمى تەز ارادا جەدەل شتاب قۇردى. شتابقا كەدەن قىزمەتى، شەكارا قىزمەتى، پوليتسيا ءبولىمى، سونداي- اق جۇرگىزۋشىلەر قۇرامىنان بەلسەندىلەر ەنگىزىلدى. بۇل جەردە اتالعان وتكىزۋ بەكەتىندەگى پروبلەمالار تالقىلانادى جانە شەشىلەدى. جەدەل شتابتىڭ كۇندەلىكتى وتىرىستارى بارىسىندا قالىپتاسقان جاعداي تۇراقتالدى. اتالعان ۋچاسكەدە قوعامدىق ءتارتىپتى بۇزۋ، جول- كولىك وقيعالارى تىركەلگەن جوق. سونىمەن قاتار، جۇرگىزۋشىلەرمەن زاڭ تالاپتارىن مۇلتىكسىز ساقتاۋ جانە ۇساق قۇقىق بۇزۋشىلىقتارعا جول بەرمەۋ تۋرالى قۇقىقتىق ءتۇسىندىرۋ جۇمىستارى تۇراقتى تۇردە جۇرگىزىلۋدە»، - دەدى الماتى وبلىسى پانفيلوۆ اۋداندىق پوليتسيا ءبولىمى باستىعىنىڭ ءبىرىنشى ورىنباسارى جاندوس كاۆليەۆ.
سونىمەن قاتار، جەدەل شتابتىڭ بەلسەندى جۇمىسى جانە جۇك كولىكتەرىنىڭ جۇرگىزۋشىلەرىمەن تىعىز قارىم- قاتىناس ناتيجەسىندە وتكىزۋ بەكەتىنەن جەدەل ءوتۋ ءۇشىن ءوز قىزمەتتەرىن ۇسىناتىن دەلدالداردىڭ زاڭسىز ارەكەتتەرى اشكەرە بولعان.
«جۇرگىزۋشىلەردىڭ وزدەرى جالپى كەزەكتى «اينالما جولمەن» ءوتۋدى قالاپ، سۇرانىس تۋدىرماعانى ابزال. قازىردىڭ وزىندە دەلدالدار قاتارىنان بىرنەشە ادام جاۋاپكەرشىلىككە تارتىلدى. سونىمەن قاتار، پاترۋلدىك پوليتسيا جاساقتارى «نۇر جولى» بەكەتىنىڭ ماڭىندا جول قاۋىپسىزدىگىن قامتاماسىز ەتۋ بارىسىندا جول قوزعالىسى ەرەجەلەرىن ورەسكەل بۇزۋ دەرەكتەرىن انىقتادى. قۇقىق بۇزۋشىلارعا اكىمشىلىك زاڭناما تالاپتارىنا سايكەس شارالار قابىلداندى. بۇل جەردەگى جاعداي تۇراقتاندى جانە باقىلاۋدا» ، - دەدى پودپولكوۆنيك كاۆليەۆ.