+7 (701) 759 90 19
-8 °С : نۇر-سۇلتان
-8 °С : الماتى
USD 377.09 EUR 407.37
RUB 5.93 CNY 53.95
جاڭالىقتار

قازاقستان مەن يسپانيا اراسىنداعى تاۋار اينالىمى 2,3 ميلليارد دوللارعا جەتتى

19 قاڭتار 12:14
:ءبولىسۋ
قازاقستان مەن يسپانيا اراسىنداعى تاۋار اينالىمى 2,3 ميلليارد دوللارعا جەتتى

مادريد. قازاقپارات – ق ر ساۋدا جانە ينتەگراتسيا ءمينيسترى باقىت سۇلتانوۆ يسپانيانىڭ ونەركاسىپ، ساۋدا جانە تۋريزم ءمينيسترى رەيەس ماروتومەن كەزدەستى، دەپ حابارلايدى قازاقپارات ءمينيستردىڭ Facebook پاراقشاسىنا سىلتەمە جاساپ.

تاراپتار ەكى ەلدىڭ ساۋدا-ەكونوميكالىق ىنتىماقتاستىعى مەن ونى ودان ءارى دامىتۋدىڭ قوسىمشا مۇمكىندىكتەرىن تالقىلادى. ويتكەنى بۇل ىنتىماقتاستىقتىڭ الەۋەتى زور.

«قازاقستان ءۇشىن يسپانيا - ەۋروپاداعى شەشۋشى ەلدەردىڭ ءبىرى. ءبىزدىڭ قارىم-قاتىناسىمىز ارىپتەستىك جانە ءوزارا پايدالى ىنتىماقتاستىق رۋحىندا دامۋدا. 2018-جىلى ءوزارا تاۋار اينالىمىمىز 2 ميلليارد دوللاردى قۇرادى. وتكەن جىلدىڭ 11 ايىندا ول 2,3 ميلليارد دوللارعا جەتتى جانە جىل قورىتىندىسى بويىشا 2,5 ميلليارد دوللار بولادى دەپ كۇتۋدەمىز. ازىرگە ءبىزدىڭ ەكسپورتىمىزدىڭ قۇرىلىمى شيكىزات باعىتىندا. الايدا، ءبىز سونى ءارتاراپتاندىرۋدى كوزدەپ وتىرمىز. ءسوز ورايى كەلگەندە ايتا كەتەيىن، بىزدە وڭدەلگەن تاۋارلاردىڭ ناقتى تىزبەسى بار، ءبىزدىڭ تالداۋىمىز بويىنشا يسپانيا نارىعى ونى قاجەت ەتەدى جانە قازاقستان تاراپى ونى جەتكىزە الادى. تىزبەگە مەتاللۋرگيا، تاماق جانە حيميا ونەركاسىبى ونىمدەرى كىردى. ءبىز بۇل تىزبەنى جازدا ۇكىمەتارالىق كوميسسيانىڭ وتىرىسىندا جانە مادريدتە وتەتىن ىسكەرلىك كەڭەستە تۇبەگەيلى تالقىلايمىز»، - دەپ جازدى باقىت سۇلتانوۆ.

مينيستر ماروتو قازىردىڭ وزىندە ونىڭ ۆەدومستۆوسى يسپاندىق كاسىپورىنداردى قازاقستاندا بار مۇمكىندىكتەر تۋرالى حاباردار ەتەتىنىنە سەندىرىپ وتىر. جانە ءبىزدىڭ كومپانيالاردىڭ «جاقسى باستامالاردى ۇسىناتىنىنا» سەنىمدى.

«جالپى العاندا، بۇگىنگى كۇنى ەكى ەل اراسىندا ساۋدا قاتىناستارىن جاڭارتۋدىڭ العاشقى قادامى باستالدى، ول ەكى تاراپتىڭ دا بيزنەسىنە، مامىلەلەردىڭ تۋىنداۋىنا جانە ەكسپورتتىڭ وسۋىنە ءوزارا پايدا اكەلەدى»، - دەيدى ساۋدا جانە ينتەگراتسيا ءمينيسترى.


باستى سوزدەر: ئقپالداستئق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات