+7 (701) 759 90 19
-13 °С : نۇر-سۇلتان
-10 °С : الماتى
USD 385.01 EUR 425.78
RUB 6.05 CNY 54.68
جاڭالىقتار

تۇركىستان 2-3 جىلدا قازاقستاننىڭ ماقتانىشىنا اينالارىنا سەنىمدىمىن - شوكەيەۆ

23 قازان 20:30
:ءبولىسۋ
تۇركىستان 2-3 جىلدا قازاقستاننىڭ ماقتانىشىنا اينالارىنا سەنىمدىمىن - شوكەيەۆ

نۇر- سۇلتان- تۇركىستان. قازاقپارات - بۇگىن نۇر- سۇلتان قالاسىنداعى ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا تۇركىستان وبلىسىنىڭ اكىمى ءومىرزاق شوكەيەۆ ءوڭىردىڭ جوعارى تۋريستىك الەۋەتىنە ەرەكشە توقتالدى، دەپ حابارلايدى قازاقپارات ءتىلشىسى.

ءوڭىر باسشىسى كيەلى قالانىڭ ەرەكشەلىگىمەن قاتار، شەتەلدىك قوناقتاردى قالاي قىزىقتىرىپ جاتقاندارى تۋرالى ايتىپ بەردى.

«تۇركىستان وبلىسىن قۇرۋ تۋرالى ەلباسىنىڭ تاريحي شەشىمى ءوڭىردىڭ دامۋىنا تىڭ سەرپىن بەردى. تۇركىستان قالاسىنىڭ ءوزى - ۇلى قۇندىلىق. قالاداعى ق. ا. ياساۋي كەسەنەسىنىڭ تاريحي، ارحيتەكتۋرالىق ءارى عىلىمي تۇرعىدا ءمانى وتە زور. تۇركىستانعا كورشىلەس ەلدەرمەن بىرگە امەريكالىقتار دا، ەۋروپالىقتار دا قىزىعۋشىلىقپەن قارايدى. بىلتىر تۇركىستان وبلىسى قۇرىلىپ، ونىڭ ورتالىعى بولىپ تۇركىستان قالاسى بەكىتىلگەنىن بىلەسىزدەر. ەلباسىنىڭ بۇل شەشىمى وتە دۇرىس بولعانىن ساراپشىلار دا، ءبىز دە كورىپ وتىرمىز. نۇرسۇلتان ءابىش ۇلى جۋىردا ءوز سۇحباتىندا تۇركىستاندى دامىتۋ تۋرالى وي بۇرىننان بەرى كوكەيدە جۇرگەنىن ايتقان ەدى»، - دەدى ءو. شوكەيەۆ.


وبلىس اكىمىنىڭ ايتۋىنشا، تۇركىستان وبلىسىن قۇرۋ ابدەن زەرتتەلگەن ستراتەگيالىق ماڭىزى بار شەشىم دەۋگە بولادى.

«تۇركىستاندى تۇركى الەمىنىڭ رۋحاني ورتالىعىنا اينالدىرۋعا تولىق مۇمكىندىك بار. مەملەكەت باسشىلىعىنىڭ، وڭىرلەردىڭ، ءىرى كومپانيالاردىڭ تىكەلەي قولداۋىنىڭ ارقاسىندا تۇركىستان قازىردىڭ وزىندە تۇرلەنىپ جاتىر. الداعى 2-3 جىل كولەمىندە تۇركىستان قالاسى قازاقستاننىڭ ماقتانىشىنا ءارى جاۋھارىنا اينالارىنا سەنىمدىمىن»، - دەدى ول.


سونداي- اق، ايماق باسشىسى بۇگىندە تۇركىستانعا كەلۋشى ساياحاتشىلار سانى ارتا تۇسكەندىگىن ايتا كەلە. كيەلى ءارى تۋريستىك ورىندارعا اپاراتىن جولداردى جوندەۋ مەن ينفراقۇرىلىمدى جاقسارتۋ ماسەلەسى دە نازاردا ەكەنىن تىلگە تيەك ەتتى.

اۆتور: ءالي يبرايەۆ




باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات