12:17, 27 - اقپان 2019 | GMT +6
كوپبالالى وتباسىلارعا 2-3 پايىزبەن باسپانا ساتىپ الۋ مۇمكىندىگى بەرىلەدى
استانا. قازاقپارات - كوپبالالى وتباسىلارعا 2-3 پايىزبەن باسپانا ساتىپ الۋ مۇمكىندىگى بەرىلەدى.
بۇل تۋرالى بۇگىن «نۇر وتان» پارتياسىنىڭ كەزەكتى XVIII سەزىندە ەلباسى نۇرسۇلتان نازاربايەۆ ايتتى، دەپ حابارلايدى قازاقپارات ءتىلشىسى.
مەملەكەت باسشىسى كوپبالالى جانە تولىق ەمەس وتباسىلارعا، مۇگەدەك بالالار بار، از قامتىلعان وتباسىلارعا پاتەر ساتىپ الۋدىڭ قولجەتىمدىلىگىن ارتتىرۋدى تاپسىردى.
«بۇل ساناتتاعى ازاماتتارعا تۇرعىن ءۇي قۇرىلىس جيناق جۇيەسى ارقىلى جىلدىق 2-3 پايىزبەن تۇرعىن ءۇي زاەمىن بەرۋ جەڭىلدىكتەرى تەتىكتەرىن ازىرلەۋدى تاپسىرامىن. ول ءۇشىن تۇرعىن ءۇي قۇرىلىس جيناق بانكىنە قاراجات قاجەت بولادى جانە وعان جىل سايىن 50 ميلليارد تەڭگە ءبولۋدى تاپسىرامىن»، - دەدى ەلباسى.