تارازدا قىلمىستىق توپ 2,2 ميلليارد تەڭگەنى قولما-قولعا اقشاعا اينالدىرعان
«ق ر قارجى مينيسترلىگى قارجى مونيتورينگى كوميتەتى جامبىل وبلىسى بويىنشا ەكونوميكالىق تەرگەۋ دەپارتامەنتىنىڭ جەدەل- تەرگەۋ توبى «STOP- وبنال» جەدەل- الدىن الۋ شاراسى بارىسىندا تاراز قالاسى تۇرعىنى 2012-2019 -جىلدار ارالىعىندا قاراجاتتى زاڭسىز قولما-قول اقشاعا اينالدىرۋمەن اينالىسقانىن انىقتادى»، - دەلىنگەن قارجى مونيتورينگى كوميتەتىنىڭ حابارلاماسىندا.
بەلگىلى بولعانداي، جالعان شوت-فاكتۋرا جازۋ ماقساتىندا كۇدىكتى ءوزىنىڭ تۋىستارى مەن سەنىمدى تۇلعالارىنىڭ اتىنا 20-دان استام ۇلەستەس كاسىپورىن تىركەگەن. ءىس جۇزىندە جۇمىستار ورىندالماعان، قىزمەتتەر دە كورسەتىلمەگەن.
بۇل تۇرعىدا كونتراگەنت- كاسىپورىنداردىڭ بيۋدجەتكە سالىق تولەۋدەن جالتارۋىنا جاعداي جاسالعان. 2017-2019 -جىلدار ارالىعىندا وسى تۇرعىن مەن ونىڭ سەنىمدى ادامدارى جامبىل وبلىسىنداعى ەكىنشى دەڭگەيلى بانكتەردەن 2,2 ميلليارد تەڭگەدەن استام سومانى قولما- قول اقشاعا اينالدىرعان. بۇل فاكتى بويىنشا دەپارتامەنت ق ر ق ك 216-بابىمەن (جەكە كاسىپكەرلىك سۋبەكتىسىنىڭ ءىس جۇزىندە جۇمىستار ورىندالماي، قىزمەتتەر كورسەتىلمەي، شوت- فاكتۋرا جازۋ ماقساتىمەن اسا ءىرى كولەمدە زيان تيگىزگەن مۇلىكتىك پايدا الۋ) قاراستىرىلعان قىلمىستىق قۇقىقبۇزۋشىلىق بەلگىلەرى بويىنشا سوتقا دەيىنگى تەرگەۋ ءىسىن تىركەدى.
«جەدەل- تەرگەۋ توبىنىڭ ۇيلەسىمدى ءىس-ارەكەتى بارىسىندا «ForteBank» ا ق تءۇ ق-
دا 17915000 تەڭگە سوماسىنداعى قاراجاتتى قولما-قول اقشاعا اينالدىرۋ ۇستىندە قىلمىستىق توپتىڭ مۇشەلەرى ۇستالدى. اقشا قاراجاتىنىڭ باقىلاۋدا بولعان جالعان كاسىپورىندارعا اۋدارىلىپ، الىنعانى انىقتالدى. سوتقا دەيىنگى تەرگەۋ اياسىندا ۇيىمداسقان قىلمىستىق توپ مۇشەلەرى تۇرىپ جاتقان مەكەنجايلاردا ءتىنتۋ جۇرگىزىلىپ، بىركۇندىك فيرمالاردىڭ مورلەرى، نوۋتبۋكتەر مەن كومپيۋتەرلەر تاركىلەندى»، - دەلىنگەن ۆەدومستۆو مالىمەتىندە.