قازاقستان حالقىنىڭ 2 ميلليون 221 مىڭى - زەينەتكەرلەر

None
None
نۇر-سۇلتان. قازاقپارات - جىل باسىنان بەرى قازاقستاندىقتارعا 1,2 تريلليوننان استام تەڭگەگە زەينەتاقى تولەندى.

قازاقپارات بۇل تۋرالى ق ر ەڭبەك جانە حالىقتى الەۋمەتتىك قورعاۋ مينيسترلىگىنە سىلتەمە جاساپ حابارلايدى.

«2020 -جىلدىڭ قاڭتار- ماۋسىم ايلارىندا رەسپۋبليكالىق بيۋدجەتتەن بازالىق زەينەتاقى تولەۋگە - 381,9 ميلليارد تەڭگە، ىنتىماقتى زەينەتاقى تولەمدەرىنە 851,9 ميلليارد تەڭگە باعىتتالدى. ال بيىلعى ماۋسىم ايىندا رەسپۋبليكالىق بيۋدجەتتەن زەينەتاقى تولەمدەرىنە - 209,6 ميلليارد تەڭگە، ونىڭ ىشىندە بازالىق زەينەتاقى تولەۋگە - 64,8 ميلليارد تەڭگە، ىنتىماقتى زەينەتاقى تولەۋگە 144,8 ميلليارد تەڭگە ءبولىندى»، - دەلىنگەن اقپاراتتا.

1-شىلدەدەگى جاعدايعا سايكەس، قازاقستاندا زەينەتكەرلەر سانى 2 ميلليون 221 مىڭ ادامدى قۇرايدى. زەينەتاقى تولەمدەرىنىڭ ورتاشا مولشەرى (ونىڭ ىشىندە بازالىق زەينەتاقى) 2020 -جىلعى 1-شىلدەدەگى جاعداي بويىنشا 94777 تەڭگەنى قۇرادى.

«ەسكە سالايىق، 2018 -جىلعى 1-شىلدەدەن باستاپ مەملەكەتتىك بازالىق زەينەتاقى تولەمى، ونىڭ زەينەتاقى جۇيەسىندەگى تاجىريبەسىن ەسكەرە وتىرىپ، ءار الۋشىعا جەكە تاعايىندالادى. بۇل رەتتە، 1998 -جىلعى 1-قاڭتارداعى جاعداي بويىنشا ىنتىماقتى جۇيەدە جۇمىس ىستەگەن ۋاقىتى، سونداي- اق مىندەتتى زەينەتاقى جارنالارى تولەنگەن كەزەڭدەر (م ز ج) زەينەتاقى جۇيەسىندەگى ەڭبەك وتىلىنە قوسىلادى. سونىمەن، ەگەر زەينەتاقى جۇيەسىندەگى جۇمىس ءوتىلى 10 جىل نەمەسە ودان از بولسا، سونداي-اق ەگەر مۇلدە جوق بولسا، بازالىق زەينەتاقى ەڭ تومەنگى كۇنكورىس دەڭگەيىنىڭ 54% قۇرايدى، سودان كەيىن 10 جىلدان اسقان ءار جىل ءۇشىن ونىڭ مولشەرى %2 ارتادى. مىسالى، ەگەر ءسىز 20 جىل قاتىسساڭىز، بازالىق زەينەتاقى كۇنكورىس دەڭگەيى

قۇنىنىڭ %74، 30 جىل - كۇنكورىس قۇنىنىڭ %94 قۇرايدى. 33 جانە ودان دا كوپ جىل جۇمىس ءوتىلى بولسا، كۇنكورىس قۇنىنىڭ %100 جوعارى مولشەرىندە بەلگىلەنەدى»، - دەپ ءتۇسىندىردى مينيسترلىكتەن.

ەگەر ءبىر اي ىشىندە م ز ج بىرنەشە رەت ءبىرىڭعاي جيناقتاۋشى زەينەتاقى قورىنا جاسالسا، جيناقتاۋشى جۇيەگە قاتىسۋ مەرزىمى ءبىر ايدى قۇرايدى. وسىلايشا، مىندەتتى زەينەتاقى جارنالارى نەعۇرلىم تۇراقتى جانە تولىق سالىناتىن بولسا، زەينەتاقى جاسىنا جەتكەندە بازالىق زەينەتاقى تولەمدەرىنىڭ مولشەرى سوعۇرلىم كوپ بولادى. ءوز كەزەگىندە، جاسىنا بايلانىستى زەينەتاقى تولەمدەرىنىڭ مولشەرى 1998 -جىلعى 1-قاڭتارداعى جۇمىس وتىلىنە (كەم دەگەندە 6 اي قاجەت) جانە زەينەتكەرلىككە دەيىنگى كەزەڭدە الىنعان ورتاشا ايلىق تابىسقا بايلانىستى بولادى.


سوڭعى جاڭالىقتار