+7 (701) 759 90 19
1 °С : نۇر-سۇلتان
11 °С : الماتى
USD 428.05 EUR 501.2
RUB 5.47 CNY 63.87
جاڭالىقتار

بيىلعى جەتى ايدا تاۋارلار ءوندىرىسى 2,1 پايىزعا ءوستى - رۋسلان دالەنوۆ

11 تامىز 11:13
:ءبولىسۋ
بيىلعى جەتى ايدا تاۋارلار ءوندىرىسى 2,1 پايىزعا ءوستى - رۋسلان دالەنوۆ

نۇر-سۇلتان. قازاقپارات - ۇكىمەت وتىرىسىندا 2020-جىلعى قاڭتار- شىلدەنىڭ قورىتىندىلارى بويىنشا ەلدىڭ الەۋمەتتىك-ەكونوميكالىق دامۋ ناتيجەلەرى قارالدى، دەپ حابارلايدى قازاقپارات ءتىلشىسى.

«تاۋارلار ءوندىرىسى 2,1 پايىزعا ءوستى. سونىمەن بىرگە، كورسەتىلەتىن قىزمەتتەر 6,2 پايىزعا قىسقاردى. ناتيجەسىندە، جەدەل دەرەكتەر بويىنشا، جالپى ىشكى ءونىم 2,9 پايىزعا تومەندەدى. جىلدىق ينفلياتسيا 7,1 پايىزدى قۇرادى. بۇل ەسكەرىلگەن ينفلياتسيا دالىزىنەن تومەن (%8-8,5)»، - دەدى ق ر ۇلتتىق ەكونوميكا ءمينيسترى رۋسلان دالەنوۆ.

ونىڭ سوزىنە قاراعاندا، ەسەپتى كەزەڭدە كەلەسىدەي جاعىمدى ۇردىستەر بايقالۋدا. ەكونوميكانىڭ ناقتى سەكتورىندا ءوسىم جالعاسۋدا. وسى ورايدا قۇرىلىس، وڭدەۋ ونەركاسىبى جانە اۋىل شارۋاشىلىعى سالالارى قامتىلىپ وتىر.

«يمپورتتىڭ تومەندەۋى اياسىندا وڭ ساۋدا بالانسى ساقتالۋدا. سونىمەن قاتار، كارانتيندىك شەكتەۋلەرگە بايلانىستى سەرۆيستىك قىزمەتتەر كولەمىنىڭ قىسقارۋى، سونداي-اق مۇناي ءوندىرۋ قارقىنىنىڭ جوسپارلى تومەندەۋى بايقالادى. بۇل ەكونوميكانىڭ ءوسۋىن تەجەۋشى فاكتورى بولدى»، - دەدى مينيستر.

ۆەدومستۆو مالىمەتىنشە، وندىرىستىك سەكتوردا 2,1 پايىزعا ءوسىم بايقالادى، ونىڭ ىشىندە قۇرىلىستا - 6,3، وڭدەۋ ونەركاسىبىندە - 3,8، اۋىل شارۋاشىلىعىندا - 2,5 پايىزعا. سونىمەن بىرگە، قىزمەتتەر سەكتورى سالالارىندا، ونىڭ ىشىندە جىلجىمايتىن مۇلىكپەن جاسالاتىن وپەراتسيالار - 4,3 پايىزدىق، اكىمشىلىك قىزمەتتەردى كورسەتۋ - 5,3، ساۋدا - 11,9 جانە كولىك قىزمەتتەرى 15,6 پايىزدىق تومەندەۋ كورسەتتى.

بۇل رەتتە، بايلانىس قىزمەتتەرى 8,7 پايىزعا ارتتى. وسى جىلعى ماۋسىمىمەن سالىستىرعاندا شىلدە ايىندا قىزمەت كورسەتۋدىڭ ءبىرقاتار سالالارىندا ءوسىم جالعاستى. ياعني، ءبىر ايدا قارجىلىق جانە ساقتاندىرۋ قىزمەتى 29 پايىزعا، باسپانا جانە تاماقتانۋ بويىنشا قىزمەتتەر - 10,2، دەرەكتەر بەرۋ - 6,7، ۇيالى بايلانىس - 4,1، ينتەرنەت جەلىسى - 2,9 پايىزعا ءوستى. سونداي-اق جۇك اينالىمى 5,6 پايىزعا، ونىڭ ىشىندە تەمىر جول كولىگىمەن - 5,5 پايىزعا، قۇبىرلارمەن تاسىمالداۋ - 2,9 پايىزعا ءوستى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات