قازاقستاندىقتار پارادزيۋدودان 2 التىن، 1 كۇمىس، 4 قولا مەدال جەڭىپ الدى
اتالمىش دوداعا الەمنىڭ 13 ەلىنەن توقسانداي پارادزيۋدوشى قاتىسىپ، باق سىنادى.
بۇل بيىل ازەربايجان استاناسى باكۋدە وتەتىن الەم بىرىنشىلىگى الدىنداعى ايتۋلى جارىس ەدى.
گران-پري تۋرنيرىندە قازاقستان نامىسىن 10 سپورتشى قورعاسا، سونىڭ 7 ەۋى جۇلدەگە ىلىكتى.
اتاپ ايتقاندا، اقمارال ناۋاتبەك (-48 كەلى J2) پەن دايانا فەدوسوۆا (-57 كەلى J2) توپ جارىپ، چەمپيون اتانسا، باۋىرجان ارىستانبەكوۆ (-90 كەلى J1) كۇمىس جۇلدەگە يە بولدى.
سونداي-اق ازامات نوكىشيەۆ (-73 كەلى J2)، ەرعالي شامەي (-73 كەلى J1)، جانبوتا امانجول (-90 كەلى J2) جانە تالعات اجىعاليەۆ (90+ كەلى J2) قولا مەدالدى جەڭىپ الدى.
ب ق و دەنە شىنىقتىرۋ جانە سپورت باسقارماسىنىڭ باسشىسى قايمەن ەسەندياروۆتىڭ ايتۋىنشا، بۇل گران-پريدىڭ ەرەكشەلىگى، وندا پاريج-2024 پاراليمپياداسىنا ليتسەنزيا ءۇشىن ۇپاي ۇلەستىرىلدى.
مىنە، وسىنداي ءباسى جوعارى جارىستا اسا اۋىر سالماقتا كۇرەسكەن باتىس قازاقستاندىق ت. اجىعاليەۆ قولا جۇلدە ءۇشىن باسەكەدە برازيليالىق قارسىلاسىن جامباسقا سالىپ، تازا جەڭدى.