حالىقارالىق بوكس قاۋىمداستىعىنىڭ رەيتينگىسىندە قازاقستان 1-ورىندا تۇر

استانا. قازاقپارات - 2023 -جىلعى الەم چەمپيوناتىنان كەيىن حالىقارالىق بوكس قاۋىمداستىعىنىڭ رەيتينگىسىندە قازاقستان ءبىرىنشى ورىندا كەلەدى. قازاقپارات بۇل تۋرالى سپورت شرەدينگەرا Telegram-كانالىنا سىلتەمە جاساپ حابارلايدى.

ەكىنشى ورىندا بۇرىنعىشا وزبەكستان تۇر. ءۇشىنشى رەسەي كەلەدى. رەيتينگىنىڭ ءتورتىنشى پوزيتسياسىندا ءۇندىستان ورنالاسقان (ايەلدەر بوكسىنىڭ ارقاسىندا). توپ- بەستىكتى كۋبا تۇيىندەپ وتىر. ال ا ق ش IBA- دەن شىققاننان كەيىن جانە الەم چەمپيوناتىن وتكىزىپ العان سوڭ 10-ىنشى ورىنعا قۇلدىرادى.

ايتا كەتەيىك، IBA رەيتينگىسىندە حالىقارالىق تۋرنيرلەردە ەرلەر مەن ايەلدەر كوماندالارى العان ۇپايلار قوسىلادى، ءتىپتى الدىن الا راۋندتاعى جەڭىستەر دە ەسكەرىلەدى. ۇپايلار سانى جارىستار دەڭگەيىنە بايلانىستى. ماسەلەن، الەم چەمپيوناتىنداعى التىن مەدال ءۇشىن - 2000 ۇپاي، كۇمىس ءۇشىن – 1700، قولا ءۇشىن – 1300، ءتورتىنشى ورىن ءۇشىن 1000 ۇپاي بەرىلەدى.

ەسكە سالايىق، بوكستان 2023 -جىلعى الەم چەمپيوناتى 30- ءساۋىر – 14- مامىر ارالىعىندا وزبەكستان استاناسى تاشكەنت قالاسىندا ءوتتى. قازاقستان سپورتشىلارى 4 التىن، 1 كۇمىس جەڭىپ الدى. جۇلدەگەر بوكسشىلاردى پرەزيدەنت قاسىم- جومارت اقوردادا قابىلدادى.

اۆتور:

ميرا تولەندى قىزى