قازگيدرومەت: 1-ءساۋىر كۇنگى اۋا رايى بولجامى

استانا. قازاقپارات – 1- ءساۋىر كۇنى قازاقستاننىڭ باسىم اۋماعىندا كەڭ ءارى سۋىق انتيتسيكلوننىڭ اسەرىنەن جاۋىن-شاشىنسىز، سالقىن كۇن رايى كۇتىلەدى.

رەسپۋبليكانىڭ تەك باتىسىندا تسيكلون جىراسىنىڭ جانە اتموسفەرالىق فرونتالدى بولىكتەردىڭ وتۋىنە بايلانىستى جاڭبىر جاۋادى. وڭتۇستىك-باتىستا قاتتى جاڭبىر، نايزاعاي بولجانادى. تاۋلى اۋدانداردىڭ وڭتۇستىك-شىعىسىندا جاڭبىر مەن قار تۇرىندە قاتتى جاۋىن-شاشىن ءتۇسۋى ىقتيمال. رەسپۋبليكا بويىنشا ەلدىڭ وڭتۇستىگى مەن وڭتۇستىك-باتىسىندا ەكپىندى جەل تۇرىپ، وڭتۇستىكتە - شاڭدى داۋىل، وڭتۇستىك-شىعىستا تۇمان بولادى.

قازاقپارات بۇل تۋرالى قازگيدرومەتكە سىلتەمە جاساپ حابارلايدى.

جەتىسۋ وبلىسىنىڭ تاۋلى اۋداندارىندا قاتتى جاۋىن-شاشىن (جاڭبىر، قار)، باتىس قازاقستان وبلىسىنىڭ باتىسىندا، وڭتۇستىگى مەن ورتالىعىندا قاتتى جاڭبىر كۇتىلەدى.

جەتىسۋ وبلىسىندا، الماتى، تۇركىستان، جامبىل وبلىستارىندا 30 م/س جانە ودان جوعارى جىلدامدىقتا جەل تۇرادى.