اقمولا وبلىسىندا 1- مامىرعا دەيىن اۋىر جۇك كولىكتەردىڭ قوزعالىسى شەكتەلدى
«جول اكتيۆتەرى ساپاسىنىڭ ۇلتتىق ورتالىعى» ر م ك- نىڭ اقمولا وبلىسى بويىنشا فيليالى باسپا ءسوز قىزمەتىنىڭ مالىمەتىنشە، كوكتەمگى سۋ تاسقىنى كەزەڭىندە جول توسەمىن ساقتاۋ ءۇشىن ءوڭىردىڭ اۆتوموبيل جولدارىندا شەكتەۋ ەنگىزىلدى جانە ول 2023 -جىلعى 23 -ناۋرىزدان 1 -مامىرعا دەيىن كۇشىندە بولادى.
«اۋىر جۇك كولىگىنىڭ قوزعالىسى بويىنشا شەكتەۋلەر حالىقارالىق تاسىمالدارعا، سونداي - اق جول قۇرىلىسىنا قاجەتتى جانە توتەنشە جاعدايلاردىڭ الدىن الۋ نەمەسە جويۋ ءۇشىن قاجەتتى ازىق- تۇلىك، ءدارى- دارمەك، گۋمانيتارلىق كومەك جانە جۇكتەردى تاسىمالداۋعا قولدانىلمايدى»، - دەدى ۆەدومستۆودان.
وسى رەتتە، «جول اكتيۆتەرى ساپاسىنىڭ ۇلتتىق ورتالىعى» رمك- نىڭ اقمولا وبلىسى بويىنشا فيليالىنىڭ قىزمەتكەرلەرى مەن وڭىرلىك كولىكتىك باقىلاۋ ينسپەكتورلارى بىرلەسىپ، اۆتوموبيل جولدارىنداعى اۋىر جۇك كولىگى قوزعالىسىنا مونيتورينگ جۇرگىزۋدە.
«مونيتورينگ بارىسىندا ماماندار جۇكتەمەنىڭ شەكتى رۇقسات ەتىلگەن نورماسى مەن تاسىمالداۋ ەرەجەلەرىنە قويىلاتىن تالاپتاردىڭ ساقتالۋىن باقىلايدى. سونداي - اق، كولىك قۇرالدارىنىڭ سالماعى مەن ولاردىڭ گاباريتتىك ولشەمدەرى ولشەنەدى»، - دەپ تولىقتىردى ۆەدومستۆودان.
اۆتور
اسلان وسپانوۆ