تۇركياداعى ءزىلزالا: 1 ايدان كەيىن ءۇيىندى استىنان ءيت پەن جىلقى ءتىرى تابىلدى - ۆيدەو
جانۋار حاتاي پروۆينسياسىنىڭ انتاكيا ايماعىندا قوقىس تازالاپ جاتقان عيماراتتىڭ قيراندىلارىنىڭ استىنان تابىلعان. ءيت تۇرىپ قالعان كەڭىستىكتە ونىڭ امان قالۋىنا كومەكتەسكەن تاماق بولعان. ءيت ۆەتەرينارلىق باقىلاۋعا جىبەرىلدى.
وسىعان دەيىن قۇتقارۋشىلار انتاكياداعى ءۇي قيراندىلارىنىڭ استىنان الەكس ەسىمدى ءسىبىر حاسكيىن الىپ شىققان بولاتىن. ءيت ءۇيىندى استىندا 23 كۇن تاماقسىز، سۋسىز جاتقان.
قۇتقارۋ توبى ەكى قاباتتى عيماراتتىڭ قيراندىلارىنان ءتىرى جاننىڭ دىبىسىن جازىپ جاتقاندا ءيتتىڭ دىبىسىن ەستىگەن. كەيىن كىشكەنتاي تەسىكتەن ءيتتىڭ مۇرنىن كورگەن. ءيتتى بوساتۋعا ەكى ساعات كەتكەن.
«الەكستىڭ وسى شۇڭقىردا 23 كۇن بويى ءىشىپ-جەمسىز جاتۋى، امان قالۋى شىنىمەن كەرەمەت جاعداي»، - دەيدى ەرىكتىلەردىڭ ءبىرى.
ال اديامان قالاسىندا جەر سىلكىنىسىنەن 21 كۇن وتكەن سوڭ قۇلاعان عيمارات قيراندىلارىنىڭ استىنان ءتىرى، ساۋ جىلقى تابىلعان. الەۋمەتتىك جەلى قولدانۋشىلارى جىلقى ءۇش اپتا قالاي سۋسىز ءومىر ءسۇردى دەپ تاڭعالعاندارىن جاسىرمادى. جەر سىلكىنىسىنەن كەيىن قالادا جاۋعان جاڭبىر جانۋاردى امان الىپ قالۋى مۇمكىن دەگەن نۇسقا بار.