لاۋازىمدى تۇلعالار تانكىگە ەسكى قوزعالتقىش قويۋ ارقىلى 1 ميلليارد تەڭگەنى قولدى قىلعان

None
None
نۇر-سۇلتان. قازاقپارات - «سەمەي ماشينا جاساۋ زاۋىتى» ا ق لاۋازىمدى تۇلعالارىنىڭ 1 ميلليارد تەڭگەدەن استام قاراجاتتى ۇرلاعانى انىقتالدى، دەپ حابارلايدى ق ر قارجى مونيتورينگى اگەنتتىگى شىعىس قازاقستان وبلىسى بويىنشا اۋماقتىق دەپارتامەنتىنىڭ باسپا ءسوز قىزمەتى.

««سەمەي ماشينا جاساۋ زاۋىتى» ا ق لاۋازىمدى تۇلعالارىنىڭ 1 ميلليارد تەڭگەدەن استام قاراجات ۇرلاعانى انىقتالدى. ۇرلىق قوسالقى بولشەكتەر قۇنىن اسىرا باعالاۋ جانە ەلىمىزدىڭ ءارتۇرلى اسكەري بولىمدەرىن بۇرىن پايدالانىلعان تانك قوزعالتقىشتارىمەن، سونداي-اق تانك شلەموفوندارىمەن قامتاماسىز ەتۋ ارقىلى جاسالعان. تەرگەۋ بارىسىندا زاۋىت ديرەكتورىنىڭ ءبىرىنشى ورىنباسارى سۇلەيمەنوۆ ق. ر. تانكتەرگە ارنالعان جاڭا قوزعالتقىشتاردىڭ ورنىنا 1985-2012 -جىلدارى شىعارىلعان قوزعالتقىشتاردى جەتكىزۋدى ۇيىمداستىرعانى انىقتالدى» دەلىنگەن حابارلامادا.

سەمەي قالاسى سوتىنىڭ ۇكىمىمەن ق. سۇلەيمەنوۆ ايىپتى دەپ تانىلىپ، 7 جىلعا باس بوستاندىعىنان ايىرىلدى.


سوڭعى جاڭالىقتار