USD 416.91 EUR 446.47
RUB 7.34 CNY 62.53
جاڭالىقتار

استانادا 1 مىڭنان استام پاتسيەنت ەسىرتكىگە تاۋەلدىلىكتەن ەمدەلىپ جاتىر

13 مامىر 20:49
:ءبولىسۋ
استانادا 1 مىڭنان استام پاتسيەنت ەسىرتكىگە تاۋەلدىلىكتەن ەمدەلىپ جاتىر

نۇر-سۇلتان. قازاقپارات - ەلورداداعى مەديتسينالىق ورتالىقتا 1189 ادام ەسىرتكىگە قۇمارلىقتان ارىلۋ ءۇشىن ەم الىپ جاتىر.

بۇل تۋرالى نۇر- سۇلتان قالاسى قوعامدىق دەنساۋلىق ساقتاۋ باسقارماسى باسشىسىنىڭ ورىنباسارى گۇلناز دوسمىرزايەۆا ءمالىم ەتتى، دەپ حابارلايدى قازاقپارات ءتىلشىسى.

«قازىرگى ۋاقىتتا ناركولوگيالىق ورتالىقتا 1189 پاتسيەنت ەم الىپ جاتىر. ولاردىڭ اراسىندا 658 ءى وپيويد زاتىن قولدانعاندار، 226 سى پسيحواكتيۆتى زاتتاردى قولدانۋشى جانە 248 ەمدەلۋشى ستيمۋلياتور پسيحوتروپتىق زاتتارىن قولدانعان. كامەلەت جاسىنا تولماعاندار اراسىندا ەسىرتكى مەن پسيحواكتيۆتى زاتتاردىڭ زيانى تۋرالى 26 مەديتسينالىق اقپاراتتاندىرۋ شاراسى ۇيىمداستىرىلدى»، - دەدى گۇلناز دوسمىرزايەۆا قالالىق ءماسليحاتتىڭ وتىرىسىندا جاساعان بايانداماسىندا.

ونىڭ مالىمدەۋىنشە، بۇگىندە ەسىرتكىگە تاۋەلدىلىكتەن ارتىلۋ ماقساتىندا ەم الىپ جاتقانداردىڭ ۇلەسى 4 پايىزعا ارتقان.

«وسىعان دەيىن 707 پاتسيەنت تاۋلىك بويى جۇمىس ىستەيتىن ستاتسيوناردا مەديتسينالىق- الەۋمەتتىك وڭالتۋدان ءوتتى. اتاپ ايتقاندا، 599 ازامات ىشىمدىككە تاۋەلدى جانە 171 ەسىرتكىگە تاۋەلدى پاتسيەنت»، - دەيدى ول.

جالپى العاندا ىشىمدىككە تاۋەلدىلەر 78 پايىزدى قۇرايدى، وپيويد زاتىنا تاۋەلدىلەر 49 پايىز جانە پسيحواكتيۆتى زاتتارعا قۇمارتۋشىلاردىڭ ۇلەسى 74 پايىزدى قۇراپ وتىر»، - دەيدى ول.

بۇعان دەيىن كۇن سايىن ەلوردا ءدارىحانالارىندا ەسىرتكى تەكتەس 1 مىڭنان استام ءدارى- دارمەك ساتىلاتىنى تۋرالى حابارلاعان ەدىك.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات