USD 424.84 EUR 453.6
RUB 7.3 CNY 63.91
جاڭالىقتار

قازاقپارات «شاڭىراق» رەسپۋبليكالىق بايقاۋىندا 1- ورىندى جەڭىپ الدى

3 جەلتوقسان 21:14
:ءبولىسۋ
قازاقپارات «شاڭىراق» رەسپۋبليكالىق بايقاۋىندا 1- ورىندى جەڭىپ الدى

نۇر-سۇلتان. قازاقپارات - قازاقپارات ۇجىمى قازاقستان حالقى اسسامبلەياسى ب ا ق اراسىندا ۇيىمداستىرىلعان «شاڭىراق» رەسپۋبليكالىق بايقاۋىندا 1- ورىنعا يە بولدى، دەپ حابارلايدى قازاقپارات ءتىلشىسى.

«الدىمەن بارشاڭىزدى كەلە جاتقان ۇلى مەرەكە تاۋەلسىزدىك كۇنىمەن شىن جۇرەكتەن قۇتتىقتايمىن. تاۋەلسىزدىكتىڭ 30-جىلىن مەجەلەدىك، ايتار دۇنيە كوپ. ول تۋرالى ايتىلىپ تا جاتىر. ەلىمىز وسى ۋاقىت ىشىندە ايتۋلى جەتىستىكتەرگە جەتتى. ول ەلباسى جۇرگىزگەن ساياسات پەن حالىق بىرلىگىنىڭ ارقاسىندا كەلىپ وتىر. بۇگىنگى شاراعا ق ر پارلامەنتى سەناتى مەن ءماجىلىس دەپۋتاتتارى، اسسامبلەيا جۇمىسىنا ەڭبەك سىڭىرگەن ازاماتتار مەن وڭىرلەردەن كەلگەن قۇرمەتتى قوناقتار قاتىسىپ وتىر»، - دەدى قازاقستان حالقى اسسامبلەياسى ءتوراعاسىنىڭ ورىنباسارى مارات ءازىلحانوۆ سالتاناتتى شارادا.

ب ا ق وكىلدەرىنە ارنالعان «شاڭىراق» رەسپۋبليكالىق بايقاۋىنىڭ ماقساتى - ەلدەگى تاتۋلىق پەن بىرلىكتى جانە قوعامدىق كەلىسىمدى نىعايتۋدى ءتىلشى جۇمىستارى ارقىلى ناسيحاتتاۋ، دارىپتەۋ.

ۇيىمداستىرۋشىلاردىڭ ايتۋىنشا، اتالعان بايقاۋ وڭىرلىك جانە رەسپۋبليكالىق دەڭگەيدە 2 كەزەڭ بويىنشا ءوتتى. رەسپۋبليكالىق دەڭگەيگە 40 تان استام جۇمىس قاتىسىپ، سونىڭ ىشىنەن ءادىلقازى القاسى ۇزدىك دەگەن 9 ماتەريالدى تاڭداپ الدى.

«شاڭىراق» رەسپۋبليكالىق بايقاۋىنىڭ جەڭىمپازدارى: باس جۇلدە - «حابار» اگەنتتىگىنىڭ «بۇگىن» باعدارلاماسى؛

1- ورىن - «قازاقپارات» حالىقارالىق اقپارات اگەنتتىگى جانە «Egemen Qazaqstan» رەسپۋبليكالىق گازەتى؛

2 - ورىن - اليەۆتينا ماديروۆا «قاراتال» ساياسي-قوعامدىق گازەتى (الماتى وبلىسى قاراتال اۋدانى) جانە نادەجدا پالينكا (ازاتتىق رۋحى اقپارات اگەنتتىگىنىڭ ءتىلشىسى)؛

3 - ورىن - ميحايل تە، ۆيتالي نەسىپبايەۆ جانە نازەركە مۇسا (جامبىل وبلىسى).



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات