«بۇل - مەنىڭ اعاشىم» اكسياسى: اتىراۋدا 1 مىڭعا جۋىق كوشەت ەگىلدى

اتىراۋ. قازاقپارات - اتىراۋدا «بۇل - مەنىڭ اعاشىم» اكسياسىندا 1 مىڭعا جۋىق كوشەت ەگىلدى، دەپ حابارلايدى قازاقپارات.

اتىراۋدا ورمان شارۋاشىلىعى قىزمەتكەرلەرى كۇنىنە وراي «بۇل مەنىڭ اعاشىم» اتتى كوشەت ەگى اكسياسى ۇيىمداستىرىلدى. اكتسياعا مەملەكەتتىك ورگانداردىڭ قىزمەتكەرلەرى مەن ەرىكتىلەر قاتىستى.

«بۇل اكسياعا اتىراۋ قالاسىنداعى «سامال» شاعىن اۋدانىنان 1 گەكتار جەرگ ءبولىندى. وعان 1 مىڭعا جۋىق كوشەت ەگىلدى. مۇنداي بارلىق اۋداندا، ەلدى مەكەندە جالعاسىن تابۋدا»، - دەيدى وبلىستىق تابيعي رەسۋرستار جانە تابيعاتتى پايدالانۋدى رەتتەۋ باسقارماسى باسشىسىنىڭ ورىنباسارى نۇرگۇل قاليەۆا.

ەسكە سالا كەتەلىك، بۇدان بۇرىن اتىراۋدا ىسكەر ايەلدەر شاعان كوشەتتەرىن ەككەنىن جازعان بولاتىنبىز.