+7 (701) 759 90 19
10 °С : نۇر-سۇلتان
°С : الماتى
USD 425.85 EUR 499.78
RUB 5.82 CNY 65.87
جاڭالىقتار

قازاقستاندا بۇگىن 1-تامىزدان باستاپ نە وزگەرەدى

2 تامىز 10:31
:ءبولىسۋ
قازاقستاندا بۇگىن 1-تامىزدان باستاپ نە وزگەرەدى

نۇر-سۇلتان. قازاقپارات - بۇگىن ق ر باس سانيتار دارىگەرىنىڭ جاڭا قاۋلىسى كۇشىنە ەندى، دەپ حابارلايدى قازاقپارات ءتىلشىسى.

بۇگىننەن باستاپ ەلدەگى ەپيدەيولوگيالىق احۋالدى تۇراقتاندىرىپ، بيزنەستىڭ كەدەرگىسىز جۇمىس ىستەۋىنە باعىتتالعان جاڭا قاۋلى كۇشىنە ەندى.

جاڭا قۇجاتتىڭ ماتىنىندە ەڭبەك ۇجىمىن ۆاكسينالاۋدى قامتاماسىز ەتىپ ۇلگەرمەگەن كاسىپورىنداردىڭ جۇمىسىن رەتتەيتىن شەكتەۋلەر دە بار.

ەكىنشى جاعىنان قۇجاتتا Ashyq جوباسىنا قاتىسپايتىن، ءبىراق جۇمىسى كەلۋشىلەردىڭ كوپ شوعىرلانۋىن تالاپ ەتپەيتىن ۇيىمداردىڭ جۇمىسىنا رۇقسات بەرىلىپ وتىر.

ازىرگە باس سانيتاردىڭ جاڭا قاۋلىسى نۇر- سۇلتان، الماتى، شىمكەنت، اتىراۋ جانە قاراعاندى قالالارىندا كۇشىنە ەندى.

اتالعان قالالاردا: ورتالىق مەملەكەتتىك ورگاندار مەن، اكىمدىكتەردەن، قۇقىق قورعاۋ ورگاندارى مەن دەنساۋلىق ساقتاۋ ۇيىمدارىنان، باق پەن ازىق- تۇلىك دۇكەندەرىنەن، ءدارىحانالار مەن تىرشىلىكتى قامتاماسىز ەتۋ ۇيىمدارىنان باسقا Ashyq جوباسىنا قاتىسپايتىن بارلىق كاسىپورىندار مەن ۇيىمداردىڭ قىزمەتى توقتاتىلدى:

ويىن-ساۋىق، سپورتتىق، وتباسىلىق، ەسكەالۋ جانە وزگە دە بۇقارالىق ءىس- شارالاردى وتكىزۋگە بولمايدى؛

مەملەكەتتىك ورگاندار، كەڭسەلەر، ۇلتتىق كومپانيالار مەن وزگە دە ۇيىمدار ۆاكسينا العان جانە سوڭعى ءۇش اي ىشىندە اۋىرىپ جازىلعان ادامداردان باسقا قىزمەتكەرلەرىنىڭ 80 پايىزىن قاشىقتان جۇمىس ىستەۋگە اۋىستىرۋ مىندەتتەلدى.

Ashyq جوباسىنا قاتىسپاي-اق جۇمىس ىستەۋگە رۇقسات بەرىلگەن نىساندردىڭ ساناتى مىناداي:

- قۇرىلىس جۇمىستارى؛

- ونەركاسىپتىك كاسىپورىندار؛

- جاناسپايتىن قىزمەت كورسەتۋ (كولىك جۋۋ، اۆتوموبيلدەردى، تۇرمىستىق تەحنيكانى، ساعاتتاردى، تەلەفونداردى، كومپيۋتەرلەردى، اياق كيىمدى جوندەۋ، تىگىن اتەلەسى، كىر جۋۋ ورىندارى، حيميالىق تازالاۋ، كىلت جاساۋ، تۇرمىستىق ءۇي قاعيداتى بويىنشا قىزمەت كورسەتۋ جانە ت. ب.)؛

- گۇل دۇكەندەرى، فوتوسالوندار؛

- تۋريستىك كومپانيالار، بيزنەس ورتالىقتار، ساقتاندىرۋ كومپانيالارى، ادۆوكات، نوتاريۋس، بۋحالتەر جانە كونسالتينگ قىزمەتتەرى، جىلجىمايتىن مۇلىك جونىندەگى اگەنتتىكتەر، جارناما اگەنتتىكتەرى، سوت ورىنداۋشىلارى، ايىرباستاۋ پۋنكتتەرى، لومباردتار، بانكتەر، «قازپوشتا» ا ق بولىمشەلەرى جانە ت. ب.؛

- قوعامدىق تاماقتانۋ وبەكتىلەرىنىڭ تەك الىپ شىعۋعا جانە جەتكىزۋگە ارنالعان قىزمەتى. ال Ashyq جوباسىنا قاتىسۋشى كاسىپورىندار مەن ۇيىمداردىڭ قىزمەت ۋاقىتى جۇمىس كۇندەرى 20.00-گە دەيىن، «Ashyq كوشباسشىلارىنا» ساعات 22.00-دەيىن رۇقسات بەرىلىپ وتىر. اتالعان ۇيىمدار قاۋلىنىڭ بۇل تالابىن 9 تامىزعا دەيىن پايدالانا الادى.

9-تامىزدان باستاپ تارتىپكە ساي جۇمىس ىستەگەن ءۇشىن «Ashyq كوشباسشىسى» اتانعان كاسىپورىنداردىڭ مىنا ساناتتارى ساعات 00.00-گە دەينى جۇمىس ىستەۋ مۇمكىندىگىنە يە بولماق:

- ساۋدا- ويىن-ساۋىق ورىندارى، ساۋدا ۇيلەرى، ساۋدا جەلىلەرى؛

- قوعامدىق تاماقتانۋ وبەكتىلەرى (ونىڭ ىشىندە جازعى الاڭدار)، فۋد-كورتتار؛ فيتنەس-ورتالىقتار، فيتنەس- كلۋبتار، يوگا-ورتالىقتار، سپورتتىق-ساۋىقتىرۋ وبەكتىلەرى، ساۋنالار، سپا-ورتالىقتار، سپورت وبەكتىلەرى، باسسەيندەر؛

- سۇلۋلىق سالوندارى، شاشتارازدار، باربەرشوپتار، كوسمەتيكالىق جانە كوسمەتولوگيالىق قىزمەتتەر كورسەتەتىن ورتالىقتار مەن سالوندار؛

- كاراوكە، بيليارد، بوۋلينگ، كومپيۋتەرلىك كلۋبتار؛ كينوتەاترلار. ال كەلۋشىلەردى Ashyq قوسىمشاسى ارقىلى كىرگىزۋگە نەمقۇرايدى قاراپ، 0 -دەن 20 -عا دەيىن عانا چەكين جاساعان كاسىپورىندار 1 اپتاعا جوبادان شەتتەتىلەدى. بۇل ولقىلىق قايتاناسا، ەكى اپتاعا، ودان جونگە كەلمەسە 1 ايعا دەيىن Ashyq قوسىمشاسىنىڭ ارتىقشىلىقتارىن پايدالانا المايدى.

جاڭا قاۋلى اتالعان بەس قالامەن ىرگەلەس جاتقان وڭىرلەردىڭ بىرنەشە اۋدانىنا دا ەنگىزىلىپ وتىر.

وسىلايشا، نۇر-سۇلتان قالاسىنا جاقىن بۋراباي، سەلينوگراد، ارشالى اۋداندارى، الماتىعا جاقىن جاتقان قاراساي، تالعار، ىلە، ەڭبەكشى قازاق اۋداندارى، شىمكەنتپەن ىرگەلەس سايرام، تولە بي اۋداندارى، قاراعاندى قالاسىنا جاقىن ورنالاسقان تەمىرتاۋ، شاحتينسك، اباي قالالارىندا جوعارىدا اتالعان كارانتين تالاپتارى ساقتالادى.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات