قازاقستان ءۇي سالۋدا ت م د ەلدەرى اراسىندا 1-ورىنعا شىقتى - اسقار مامين
«كۇردەلى جاعدايدا شىنايى سەكتور قازاقستان ەكونوميكاسى تۇراقتىلىعىنىڭ نەگىزگى فاكتورىنا اينالدى. الەمدىك جانە وڭىرلىك ەكونوميكالارداعى بەلگىسىزدىككە قاراماستان وڭدەۋشى سالا 3,9 پايىز دەڭگەيىندە ءوسىم كورسەتتى. 2004 -جىلدان بەرى العاش رەت جالپى ىشكى ونىمدەگى وڭدەۋشى ونەركاسىپتىڭ ۇلەسى تاۋ- كەن ءوندىرۋ ونەركاسىبى ۇلەسىنەن اسىپ ءتۇستى»، - دەدى ۇكىمەت باسشىسى.
ونىڭ اتاپ وتۋىنشە، فارماتسيەۆتيكا سالاسى قارقىندى ءوسىم كورسەتىپ، 47 پايىزعا ارتتى. دايىن مەتالل بۇيىمدارىنىڭ كولەمى 20 پايىزعا ءوستى. ماشينا جاساۋ - 16 پايىزعا، ونىڭ ىشىندە اۆتوموبيل جاساۋ - 53، ۆاگوندار مەن لوكوماتيۆتەر جاساۋ - 39 پايىزعا ۇلعايدى. ال تاۋ- كەن ءوندىرۋ سەكتورىندا ءوسىم قارقىنىنىڭ شەكتەلۋى بايقالدى. بۇل قازاقستاننىڭ وپەك+- پەن ۋاعدالاستىعى اياسىندا مۇناي ءوندىرۋدى قىسقارتۋ مىندەتتەمەسىن ورىنداۋىنا بايلانىستى ورىن الدى.
«ەلىمىزدە تۇرعىن ءۇي پايدالانۋعا بەرۋ 16,8 پايىزعا ارتىپ، 15,3 ميلليون شارشى مەتردى قۇرادى. بۇل قۇرىلىس سالاسىنداعى سەنىمدى ءوسىمدى قامتاماسىز ەتتى جانە قازاقستاننىڭ ت م د ەلدەرى اراسىندا ءبىر ادامعا 0,81 شارشى مەتر جاڭا باسپانانى پايدالانۋعا بەرۋ ارقىلى ءبىرىنشى ورىنعا شىعۋىنا مۇمكىندىك بەردى»، - دەدى اسقار مامين.