+7 (701) 759 90 19
15 °С : نۇر-سۇلتان
14 °С : الماتى
USD 426.77 EUR 509.95
RUB 5.89 CNY 66.34
جاڭالىقتار

بۋرابايدا سالىنىپ جاتقان التىن ءوندىرۋ فابريكاسىندا 1 مىڭ ادام جۇمىسپەن قامتىلادى

14 مامىر 17:24
:ءبولىسۋ
بۋرابايدا سالىنىپ جاتقان التىن ءوندىرۋ فابريكاسىندا 1 مىڭ ادام جۇمىسپەن قامتىلادى

كوكشەتاۋ. قازاقپارات - اقمولا وبلىسىنىڭ بۋراباي اۋدانىندا سالىنىپ جاتقان التىن ءوندىرۋ فابريكاسىندا 1 مىڭ جاڭا جۇمىس ورنى اشىلادى.

بۇل تۋرالى وڭىرلىك كوممۋنيكاتسيالار قىزمەتىندە وتكەن بريفينگتە اۋدان اكىمى اسەت مۇزدىبايەۆ ايتتى، دەپ حابارلايدى قازاقپارات ءتىلشىسى.

جىل باسىنان بەرى بۋراباي اۋدانىندا نەگىزگى الەۋمەتتىك- ەكونوميكالىق كورسەتكىشتەر بويىنشا ءوسۋدىڭ وڭ ءۇردىسى قامتاماسىز ەتىلدى. ونەركاسىپ ءوسىمى - 108,1 پايىز، اۋىل شارۋاشىلىعىندا - 107,5 پايىز، ينۆەستيتسيا قۇيۋدا - 146 پايىز، ورتاشا ايلىق ەڭبەكاقى بويىنشا - 123,3 پايىز كورسەتكىش بايقالادى.

اۋدان اكىمىنىڭ ايتۋىنشا، اۋىل شارۋاشىلىعىنىڭ جالپى ءونىم كولەمى 2,9 ميلليارد تەڭگەنى قۇرادى، ياعني ناقتى كولەم يندەكسى-107,5 پايىز بولدى. بۋراباي اۋدانى كوكتەمگى ەگىس ناۋقانىنا 100 پايىز دايىن جانە قازىرگى كەزدە ءىشىنارا كوكتەمگى دالا جۇمىستارى باستالىپ كەتتى.

«يندۋستريالىق- يننوۆاتسيالىق دامۋ ستراتەگياسىن ىسكە اسىرۋ بارىسىندا 6 ميلليارد تەڭگە سوماسىنا ونەركاسىپتىك ءوندىرىس كولەمى قامتاماسىز ەتىلدى. ونەركاسىپ ءونىمىنىڭ ناقتى كولەم يندەكسى (ن ك ي) 108,1 پايىزدى قۇرادى»، - دەپ اتاپ ءوتتى ا. مۇزدىبايەۆ.

اۋداندا كەن ءوندىرۋ ونەركاسىبى جانە كارەرلەردى قازۋ بويىنشا ءوندىرىستىڭ ءوسۋى بايقالادى - 182,6 پايىز، وڭدەۋ ونەركاسىبىندە - 116,6 پايىز، ەلەكتر ەنەرگياسىمەن، گازبەن، بۋمەن، ىستىق سۋمەن جابدىقتاۋ - 112,9 پايىز، سۋمەن جابدىقتاۋ، كارىز جۇيەسى، قالدىقتاردى جيناۋ جانە ءبولۋدى باقىلاۋ - 100,6 پايىز.

«اۋداندا التىن ءوندىرۋ فابريكاسىنىڭ قۇرىلىسى جۇرگىزىلۋدە، ونىمدىلىگى جىلىنا 5 ميلليون توننا («RG Processing» ЖШС) . وندا 1 مىڭ جاڭا جۇمىس ورنى قۇرىلادى. كاسىپورىندى ىسكە قوسۋ 2022 -جىلدىڭ سوڭىندا جوسپارلانىپ وتىر»، - دەپ تولىقتىردى ا. مۇزدىبايەۆ.

ەسەپتى كەزەڭدە اۋداندا ينۆەستيتسيا كولەمى 3,7 ميلليارد تەڭگەنى قۇرادى. جەكە ينۆەستيتسيالار 35,4 پايىزعا ، بيۋدجەتتىك ينۆەستيتسيالار 8,4 ەسەگە ۇلعايدى.

اۆتور: اسلان وسپانوۆ


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات