+7 (701) 759 90 19
+20 °С : نۇر-سۇلتان
+24 °С : الماتى
USD 427.22 EUR 519.71
RUB 5.78 CNY 66.52
جاڭالىقتار

الماتىدا قوناق ۇيدە 1 جاسار قىزىن ۇرىپ ولتىرگەن ازاماتقا سوت ۇكىمى شىقتى

4 مامىر 20:45
:ءبولىسۋ
الماتىدا قوناق ۇيدە 1 جاسار قىزىن ۇرىپ ولتىرگەن ازاماتقا سوت ۇكىمى شىقتى

الماتى. قازاقپارات - الماتى قالاسىنىڭ قىلمىستىق ىستەر جونىندەگى سوتىندا كىشكەنتاي قىزىن ولتىرۋدە ايىپتى تانىلعان باراكات موحاممەدكە قاتىستى سوت ۇكىمى شىقتى، دەپ حابارلايدى قازاقپارات.

سوت انىقتاعانداي، وتكەن جىلدىڭ قازان ايىندا ۇلى بريتانيا ازاماتى باراكات موحاممەد وتباسىمەن بىرگە الماتى قالاسىنداعى قوناقۇيلەردىڭ بىرىنە جايعاسقان.

الكوگول جانە ەسىرتكىگە ماس بولعان ەر ادام زايىبىمەن بولعان جانجالدان كەيىن اشۋعا بۋلىعىپ، ءبىر جاسار قىزىن سوققىعا جىعىپ، ونىڭ ولىمىنە سەبەپكەر بولدى. ءبىرىنشى ينستانتسيالى سوتتىڭ ۇكىمى بويىنشا، ەر ادام بالانى قاساقانا ولتىرۋدە ايىپتى دەپ تانىلىپ، 20 جىلعا باس بوستاندىعىنان ايىرۋ جازاسىنا كەسىلدى.

وعان قوسا، ەر ادام قازاقستان اۋماعىنان بەس جىلعا قۋىلدى. سوتتالۋشىنىڭ كىناسىن وقيعاعا كۋا بولعان قوناقۇيدەگى قىزمەتشى ايەل راستادى. ول قابىرعاعا ۇرىلعان دىبىستى ەستىگەن سوڭ بالا جىلاعانى باسىلىپ قالعانىن، ودان كەيىن جابىرلەنۋشى ايەلدىڭ قوناق ءۇي بولمەسىنە كىرگەنىن، ول جەردەن ەس ءتۇسسىز بالانىڭ دەنەسىن شىعارعانىن ايتتى.

وننان استام كۋاگەر ايەلدىڭ رەسەپشەنگە كەلىپ، ماس كۇيەۋىنىڭ بالاسىن ولتىرگەنى تۋرالى ايتقانىن راستادى.

سوت-مەديتسينالىق ساراپتامانىڭ قورىتىندىسى بويىنشا، سوتتالۋشىنىڭ ەپيلەپتيكالىق ۇستاما كەزىندە بالا ۇستىنە قۇلاپ، ونى ابايسىزدا ءولتىرىپ العانى تۋرالى نۇسقاسى راستالعان جوق.

قورعاۋ تاراپى ۇسىنعانى مەديتسينالىق قۇجاتتار سوتتالۋشىنىڭ بۇرىن قويانشىق اۋرۋىنا شالدىققانىن راستايتىن قانداي دا ءبىر دالەلدەرى بولعان جوق. باراكات موحامەد - اۋە كومپانياسىنىڭ ۇشقىشى، مەديتسينالىق تەكسەرۋدەن ۇنەمى ءوتىپ جۇرگەن، دەنساۋلىق جاعدايى جاقسى.

سوندىقتان سوت سوتتالۋشىنى ەشقاشان قويانشىق اۋرۋىمەن اۋىرماعان دەگەن ءتۇيىن جاسادى. الماتى قالالىق سوتىنىڭ قاۋلىسى بويىنشا ءبىرىنشى ينستانتسيالى سوت ۇكىمى وزگەرىسسىز قالدى.

ەسكە سالا كەتسەك ، 2019-جىلدىڭ 24- قازانىندا الماتى قالاسىنداعى «بەس جۇلدىزدى» قوناق ۇيدە اكەسى ءوزىنىڭ ءبىر جارىم جاسار قىزىن سوققىعا جىعىپ، بالا قايتىس بولعان ەدى.

باستاپقىدا ەر ادامنىڭ ءوز بالاسىن بۋىندىرىپ ولتىرگەنى حابارلاندى. ودان كەيىن ءسابيدىڭ ولىمىنە قاتتى سوققىعا جىعۋ سەبەپ بولدى دەگەن نۇسقا شىققان.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات