ارسەلورميتتال تەمىرتاۋ كەلتىرگەن شىعىن 1 ميلليارد تەڭگەدەن اسادى – مينيسترلىك

None
None
نۇر- سۇلتان. قازاقپارت - بيىلعى جىلدىڭ ناۋرىز ايىندا «ارسەلورميتتال تەمىرتاۋ» ا ق كونۆەرتورلىق سەحىندا لاستاۋشى زاتتاردىڭ جاپپاي شىعارىلۋ فاكتىسى بويىنشا وسى كاسىپورىنعا جوسپاردان تىس تەكسەرۋ جۇرگىزىلدى.

اقپان ايىنىڭ سوڭىندا الەۋمەتتىك جەلىلەردە زاۋىتتان قىزعىلت ءتۇتىننىڭ شىعىپ جاتقاندىعى تۋرالى ۆيدەو پايدا بولدى، ال قاراعاندى وبلىسى بويىنشا ەكولوگيا دەپارتامەنتى اتموسفەراعا لاستاۋشى زاتتار شىعارۋدىڭ رۇقسات ەتىلگەن نورمالارىنان ەلەۋلى اسىپ كەتكەندىگى تىركەلگەندىگىن ەسكەرتتى، دەپ حابارلايدى قازاقپارات ق ر ەكولوگيا، گەولوگيا جانە تابيعي رەسۋرستا مينيسترلىگىنىڭ باسپا ءسوز قىزمەتىنە سىلتەمە جاساپ.

ماسەلەن، تەكسەرۋ بارىسىندا قاراعاندى وبلىسى بويىنشا ەكولوگيا دەپارتامەنتىنىڭ تەكسەرۋ كوميسسياسى «ارسەلور ميتتال تەمىرتاۋ» ا ق كاسىپورنىنان بولىنەتىن گازداردى ۇستاۋ جانە تازارتۋ جۇيەسىن پايدالانۋ قاعيدالارى بۇزىلعانىن انىقتادى. تەكسەرۋ بارىسىندا، بۇل بۇزۋشىلىق تەحنولوگيالىق جابدىقتىڭ قاناعاتتانعىسىز جاي- كۇيىنەن تۋىنداعانى دالەلدەندى. وسىعان بايلانىستى، №2 كونۆەرتەر اعىمداعى جىلدىڭ مامىر ايىنا دەيىن كۇردەلى جوندەۋگە توقتاتىلدى.

زاۋىتتى مۇقيات تەكسەرۋ زاۋىتتىڭ سەگىز سەحى بويىنشا جۇرگىزىلگەنىن اتاپ وتكەن ءجون. ءار ءتۇرلى نورماتيۆتەردىڭ بۇزىلۋى مەن شەكتەن اسىپ كەتۋى ولاردىڭ جەتەۋىندە انىقتالدى.

جوعارىدا اتالعان بارلىق فاكتىلەر مەن ەكولوگيالىق تالاپتاردىڭ تيىسىنشە ورىندالماۋى ق ر ەكولوگيالىق كودەكسىنىڭ 69-بابى 3-تارماعىنىڭ بۇزىلۋىنا اكەپ سوقتى، وندا «تابيعاتتى پايدالانۋشىلار قورشاعان ورتاعا ەميسسياعا رۇقساتتا كورسەتىلگەن شارتتاردى ورىنداۋعا مىندەتتى جانە ولاردى ساقتاماعانى ءۇشىن قازاقستان رەسپۋبليكاسىنىڭ زاڭدارىنا سايكەس جاۋاپتى بولادى» دەلىنگەن.

بۇگىنگى كۇنى، جۇرگىزىلگەن تەكسەرۋ قورىتىندىسى بويىنشا «ارسەلور ميتتال تەمىرتاۋ» كاسىپورنىنا ايىپپۇل سالىندى. بۇدان باسقا، كاسىپورىنعا سوماسى شامامەن* 1 ميلليارد تەڭگەدەن اساتىن زالالدى وتەۋ تۋرالى نۇسقاما جىبەرىلدى (* - قازىرگى ۋاقىتتا زالالدى باعالاۋدى ەسەپتەۋ بويىنشا جۇمىستار ءالى دە جۇرگىزىلۋدە).

تابىلعان بۇزۋشىلىقتاردى جويعانعا دەيىن «ارسەلورميتتال تەمىرتاۋ» اق سەحتارىنىڭ قىزمەتىن توقتاتا تۇرۋ بۇكىل ءوندىرىستىڭ توقتاپ قالۋىنا اكەلەتىنىن اتاپ ءوتۋ ماڭىزدى، ويتكەنى كاسىپورىن سيكلى تۇيىق بولىپ تابىلادى جانە قانداي دا ءبىر سەحسىز جۇمىس ىستەي المايدى.

ەستەرىڭىزگە سالا كەتەيىك، كاسىپورىننىڭ ۆيسە- پرەزيدەنتى ۆيدجاي گويال الداعى ءتورت جىلدا شىعارىندىلار كولەمىن كەم دەگەندە 30 پايىزعا ازايتۋعا، ولاردى اۆتوماتتاندىرۋدى قامتاماسىز ەتۋگە جانە ءۇش جىل ىشىندە تەمىرتاۋ قالاسىندا 500 مىڭ اعاش وتىرعىزۋعا ۋادە بەرگەن بولاتىن.


سوڭعى جاڭالىقتار