1-مامىردان باستاپ ەرىكتى زەينەتاقى جارناسىن ەسەپكە الۋ ءۇشىن شوت اۆتوماتتى تۇردە اشىلادى
«ەرىكتى زەينەتاقى جارناسى سالىمشىنىڭ - جەكە تۇلعانىڭ ءوز كىرىسىنەن ءوزىنىڭ پايداسىنا اۋدارعان سوماسى نە سالىمشىنىڭ (جەكە نەمەسە زاڭدى تۇلعانىڭ) الۋشىنىڭ پايداسىنا اۋدارعان سوماسى بولۋى مۇمكىن. بۇل رەتتە جارنالاردىڭ مولشەرى مەن مەرزىمدىلىگىن سالىمشى ءوزى ايقىندايدى. اتاپ كەتۋ كەرەك، جەكە تۇلعا ءوز كىرىسىنەن ءوزىنىڭ پايداسىنا ە ز ج اۋدارعان كەزدە سالىق زاڭناماسىندا تولەنگەن ە ج ز سوماسىنا سالىق شەگەرىمى قاراستىرىلعان»، دەلىنگەن حابارلامادا.
بۇدان بولەك، 2021 -جىلدىڭ 1 - قاڭتارىنان باستاپ سالىق اگەنتىنىڭ (جۇمىس بەرۋشىنىڭ) جەكە قاراجاتى ەسەبىنەن جۇمىسكەردىڭ پايداسىنا تولەگەن ە ز ج- سى كورپوراتيۆتى تابىس سالىعىن تولەۋ كەزىندە شەگەرىلىمگە جاتادى. سول ۋاقىتتا جۇمىس بەرۋشىنىڭ جۇمىسكەردىڭ پايداسىنا تولەگەن ە زج سومالارى جۇمىسكەردىڭ كىرىسىنە سالىق سالۋ كەزىندە ەسەپكە الىنبايدى.
«وسىلايشا جۇمىس بەرۋشى ءوز جۇمىسكەرلەرىنىڭ پايداسىنا ەزج تولەي وتىرىپ، سالىق سالۋ كەزىندە جەڭىلدىكتەرگە، سونداي- اق، ءوز قىزمەتكەرلەرىن ىنتالاندىرۋدا قوسىمشا قۇرالعا يە بولادى. جۇمىسكەر ءۇشىن بۇل ب ج ز ق- دا ە ز ج ەسەبىنەن قالىپتاسقان زەينەتاقى جيناقتارى سوماسىنىڭ ءوسۋى، سايكەسىنشە، قوردان تولەنەتىن زەينەتاقى تولەمدەرى مولشەرىنىڭ كوبەيۋى رەتىندە وڭ سيپات الادى»، دەلىنگەن حابارلامادا.
ەرىكتى زەينەتاقى جارنالارىن ەكىنشى دەڭگەيدەگى بانكىلەر (ە د ب) نە «قازپوشتا» ا ق بولىمشەلەرى ارقىلى اۋدارۋعا بولادى. ەكىنشى دەڭگەيدەگى ءبىرقاتار بانكىلەر ە ز ج ونلاين (موبيلدى قوسىمشا نەمەسە ءوزىن- ءوزى قىزمەت كورسەتۋ تەرمينالدارى) ارقىلى اۋدارۋعا مۇمكىندىك بەرەدى. بۇدان بولەك، ءوز پايداسىنا ەزج جارنالارىن تۇراقتى اۋدارۋ ءۇشىن جۇمىس بەرۋشىنىڭ اتىنا ءوتىنىش جازۋعا دا بولادى. سونىڭ نەگىزىندە جۇمىس بەرۋشى ە ز ج ءوتىنىش يەسىنىڭ نە ءۇشىنشى تۇلعانىڭ پايداسىنا ب ج ز ق- عا تۇراقتى تۇردە اۋدارىپ وتىرادى. بۇل رەتتە پايداسىنا ە ز ج اۋدارىلىپ تۇراتىن جەكە تۇلعانى سايكەستەندىرۋ، ە ز ج تولەۋ بارىسىندا ەلەكتروندىق فورماتتاعى تولەم تاپسىرماسىندا كورسەتىلگەن جەكە دەرەكتەرى (اتى- ءجونى، ج س ن، تۋعان كۇنى) بويىنشا ورىندالاتىن بولادى.
جەكە باسىن كۋالاندىراتىن قولدانىستاعى قۇجاتتىڭ دەرەكتەمەلەرى، تۇرعىلىقتى مەكەنجايى، وزگە دە دەرەكتەرى تۋرالى بارلىق قاجەتتى مالىمەتتى بجزق مەملەكەتتىك ورگانداردىڭ اقپاراتتىق جۇيەسىنەن الادى.