20:28, 19 - ناۋرىز 2021 | GMT +6
ب ق و دا الاياققا سەنگەن تۇرعىن 1 ميلليون تەڭگەسىنەن ايىرىلدى
ورال. قازاقپارات - باتىس قازاقستان وبلىسىندا الاياققا سەنگەن تۇرعىن 1 ميلليون تەڭگەسىنەن ايىرىلىپ قالدى، دەپ حابارلايدى قازاقپارات ءتىلشىسى.
ب ق و پوليتسيا دەپارتامەنتىنىڭ باسپا ءسوز قىزمەتى ءمالىم ەتكەنىندەي، اقساي قالاسىندا تۇراتىن ايەل 53 جاستاعى تۇرعىنعا Whatsapp مەسسەندجەرى ارقىلى اقشاسىن كوبەيتىپ بەرەمىن دەپ، ۋادە بەرگەن. اقىرى ونىڭ 1 ميلليون تەڭگەسىن جىمقىرىپ كەتكەن.
«قۇقىقتىق ءتارتىپ» جەدەل الدىن الۋ شاراسى بارىسىندا 35 جاستاعى ايەل ۇستالدى. ودان ەشقايدا كەتپەۋ تۋرالى قولحات الىندى. قازىرگى كەزدە ق ر ق ك 190-بابى 2-بولىگىنە (الاياقتىق) سايكەس سوتقا دەيىنگى تەرگەۋ امالدارى جۇرگىزىلۋدە.
ەسكە سالا كەتەيىك، بۇدان بۇرىن اتىراۋ تۇرعىنىنىڭ جۇمىسقا ورنالاستىرامىن دەپ 14 ادامدى الداپ كەتكەنىن جازعان بولاتىنبىز.