11:05, 06 - ناۋرىز 2021 | GMT +6
الماتىدا پوليتسياسى قاتارىندا 1 مىڭنان استام ايەل بار
الماتى. قازاقپارات - الماتىدا پوليتسيا قاتارىندا قىزمەت ەتەتىن 1 مىڭنان استام ايەلدى ءتول مەرەكەسى قارساڭىندا ق ر ىشكى ىستەر ءمينيسترى مەن الماتى قالاسى پوليتسيا دەپارتامەنتىنىڭ باسشىسى قۇتتىقتاپ، ۇزدىكتەردىڭ شەنىن كوتەردى، دەپ حابارلايدى قازاقپارات ءتىلشىسى.
«وسى مەرەكەدە جانە ءاردايىم ارداگەر اپالارىمىزعا العىس ايتامىز. ولاردىڭ ۇزاق جىلعى قىزمەتى، تاجىريبەسى مەن كاسىبي شەبەرلىگى پوليتسيا سالاسىنداعى جاس ماماندارعا ۇلگى. سىزدەر تەك جاقسىلىققا عانا لايىقسىزدار. ءبىز سىزدەردى ماقتان تۇتامىز»، - دەدى الماتى قالالىق پ د باسشىسى قانات تايمەردەنوۆ.
سونىمەن قاتار، الماتى قالاسىنىڭ پ د باسشىلىعى قىزمەتتىك مىندەتىن ورىنداۋ بارىسىندا قازا بولعان ارىپتەستەردىڭ وتباسىن، تۋىس- تۋعانىن حالىقارالىق ايەلدەر مەرەكەسىمەن قۇتتىقتادى.