+7 (701) 759 90 19
+7 °С : نۇر-سۇلتان
+14 °С : الماتى
USD 433.15 EUR 515.06
RUB 5.61 CNY 66.06
جاڭالىقتار

ءبىلىم جانە عىلىم ۆيتسە- ءمينيسترى 1 -ناۋرىزدان باستاپ مەكتەپتەردە ساباق قالاي وتەتىنىن ءتۇسىندىرىپ بەردى

1 ناۋرىز 17:48
:ءبولىسۋ
ءبىلىم جانە عىلىم ۆيتسە- ءمينيسترى 1 -ناۋرىزدان باستاپ مەكتەپتەردە ساباق قالاي وتەتىنىن ءتۇسىندىرىپ بەردى

نۇر- سۇلتان. قازاقپارات - ءبىلىم جانە عىلىم ۆيتسە- ءمينيسترى شولپان كارينوۆا 1 - ناۋرىزدان باستاپ مەكتەپتەردەگى رۇقسات ەتىلگەن ارالاس فورماتتا وقىتۋدى ءتۇسىندىرىپ بەردى، دەپ حابارلايدى قازاقپارات.

ۆيتسە- مينيستر Facebook-تەگى پاراقشاسىندا 1 - ناۋرىزدان باستاپ قازاقستان رەسپۋبليكاسىنىڭ باس مەملەكەتتىك سانيتاريالىق دارىگەرىنىڭ 2021 -جىلعى 27 اقپانداعى № 9 قاۋلىسىنا سايكەس، سونداي- اق سانيتاريالىق- ەپيدەميولوگيالىق جاعدايدىڭ جاقسارۋى مەن تۇراقتانۋىنا بايلانىستى، جالپى ءبىلىم بەرەتىن مەكتەپتەردىڭ 1-5 -سىنىپ جانە حالىقارالىق مەكتەپتەردىڭ 1-7 -سىنىپ ءبىلىم الۋشىلارىن ارالاس فورماتتا وقىتۋعا رۇقسات ەتىلگەنىن جازدى.

«وڭىرلەردەگى سانيتاريالىق- ەپيدەميولوگيالىق جاعدايدى ەسكەرە وتىرىپ، قاي وقۋ پاندەرىنىڭ شتاتتىق نەمەسە قاشىقتان وقىتۋ فورماتتارىندا جۇرگىزىلۋىن جانە وقۋ ساعاتتارىنىڭ سانىن انىقتاۋدى مەكتەپتەر دەربەس شەشەدى. بۇل رەتتە مەكتەپتەر وسى وقۋ جىلىندا قولدانىستاعى جۇمىس وقۋ جوسپارلارىن باسشىلىققا الادى. سونىمەن قاتار، ءبىلىم جانە عىلىم مينيسترلىگى «كوركەم ەڭبەك» جانە «مۋزىكا» پاندەرىن 1-5 -سىنىپتاردا قاشىقتان اسينحروندى فورماتتا قالدىرۋدى، قالعان پاندەردى شتاتتىق فورماتقا كوشىرۋدى ۇسىنادى.

تەك ەرەكشە جاعدايلاردا، اۋىرعاندا نەمەسە ناۋقاستارمەن قارىم- قاتىناس جاعدايلارىندا اتا- انالاردىڭ ءوتىنىشى بويىنشا بالالاردى قاشىقتان فورماتىندا وقىتۋعا قالدىرۋعا رۇقسات ەتىلەدى»، - دەدى شولپان كارينوۆا.

ونىڭ ايتۋىنشا، ءبىلىم بەرۋ پروتسەسىنىڭ بارلىق قاتىسۋشىلارى سانيتاريا - ەپيدەميولوگيا تالاپتارىن ساقتاۋى ءتيىس.

«مەكتەپ باسشىلارى بالالاردىڭ قاۋىپسىزدىگىن جانە دەنساۋلىعىن ساقتاۋ ءۇشىن بارلىق جاعدايلاردى قامتاماسىز ەتەدى. ءبىلىم الۋشىلار مەن پەداگوگتەر جەكە گيگيەنا ەرەجەلەرىن جانە سانيتاريالىق قاۋىپسىزدىك شارالارىن ساقتايدى.

اتا- انالار تاراپىنان بالالاردىڭ جەكە گيگيەنانى ساقتاۋى جانە الەۋمەتتىك قاشىقتىقتى ساقتاۋ قاجەتتىگىن ءتۇسىندىرۋ وتە ماڭىزدى.

1-5 -سىنىپتاردىڭ بارلىق وقۋشىلارىن مەكتەپكە قايتارۋ باستاۋىش مەكتەپ دەڭگەيىندە بازالىق ءبىلىمنىڭ، قاجەتتى داعدىلار مەن قۇزىرەتتەردىڭ قالىپتاسۋىمەن بايلانىستى بولىپ وتىر. ولار ءۇشىن الەۋمەتتەنۋ جانە قارىم- قاتىناس پروتسەستەرىنىڭ جالعاسۋى، وقىتۋ كەزىندە ۇجىمدىق ءوزارا قارىم- قاتىناستىڭ قول جەتىمدى بولۋى ماڭىزدى. سوندىقتان ءبىرىنشى كەزەكتە وسى سىنىپتار بويىنشا شەشىم قابىلداندى»، - شولپان كارينوۆا.

ۆيتسە- ءمينيستردىڭ ايتۋىنشا، وقۋشىلارعا مەكتەپكە مىندەتتى مەكتەپ فورماسىندا ەمەس، ەركىن، ۇقىپتى جانە جيناقى كيىمدە بولۋعا رۇقسات ەتىلەدى. اتا- انالارعا مەكتەپ فورماسىن ساتىپ الۋدىڭ قاجەتى جوق.

«1 -ناۋرىزدان ساباقتان تىس ۋاقىتتا بىلىمدەگى ولقىلىقتاردى تولىقتىرۋ ءۇشىن وقۋشىلاردى جەكە وقىتۋ 15 ادامنان اسپايتىن توپتاردا مۇمكىن بولادى. بۇل جاعداي ءالى دە قاشىقتان وقىتۋدا قالىپ وتىرعان 6-8 -10 - سىنىپتارعا قاتىستى. بۇل مىندەتتى ەمەس، مۇعالىمدەردىڭ شەشىمى مەن وقۋشىلاردىڭ اتا- انالارىنىڭ كەلىسىمى بويىنشا ىسكە اسىرىلادى.

بالالاردىڭ جەكەلەگەن ساناتتارىنىڭ تاماقتانۋى، تۇرۋى، تاسىمالدانۋى وڭىرلەردىڭ باس مەملەكەتتىك سانيتاريالىق دارىگەرلەرىمەن كەلىسىلىپ قامتاماسىز ەتىلەدى. بارلىق قابىلدانعان شەشىمدەر اتا- انالارعا الدىن- الا جەتكىزىلۋى كەرەك»، - دەدى شولپان كارينوۆا.

اۆتور: اياۋلىم التىنبەك


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات