+7 (701) 759 90 19
+7 °С : نۇر-سۇلتان
+14 °С : الماتى
USD 433.15 EUR 515.06
RUB 5.61 CNY 66.06
جاڭالىقتار

قازاقپارات كۇنتىزبەسى: 1- ناۋرىز

1 ناۋرىز 07:24
:ءبولىسۋ
قازاقپارات كۇنتىزبەسى: 1- ناۋرىز

نۇر- سۇلتان. قازاقپارات - قازاقپارات وقىرماندارىنا 2021 -جىلعى 1 ناۋرىزعا ارنالعان كۇنتىزبەسىن ۇسىنادى.

اتاۋلى كۇندەر

قازاقستاندا العىس ايتۋ كۇنى

بۇل مەرەكە ق ر پرەزيدەنتىنىڭ جارلىعىمەن بەكىتىلدى. 1995-جىلدىڭ 1- ناۋرىزىندا ەلىمىزدە قازاقستان حالقى اسسامبلەياسى قۇرىلدى جانە 2015-جىلى اسسامبلەيانىڭ جيىرما جىلدىعىن مەرەكەلەۋ اياسىندا ەلباسى ن. نازاربايەۆ بۇل كۇندى حالىقتاردىڭ ءبىر-بىرىنە جانە قازاقتارعا كوپتەگەن حالىقتار ەلگە كۇشتەپ قونىستاندىرىلعان كەزدە توزىمدىلىك پەن قوناقجايلىلىق تانىتقانى ءۇشىن العىس بىلدىرە الاتىن كۇن دەپ جاريالاۋدى ۇسىندى.

دۇنيەجۇزىلىك ماداقتاۋ كۇنى

مەرەكەنى بەكىتۋ يدەياسى - قاراپايىم ادامداردىڭ ءبىر كۇندى ەرەكشە، جىلى، مەيىرىمگە تولى ەستە قالارلىقتاي ەتىپ وتكىزۋدى قالاۋى. ماداقتاۋ دەگەنىمىز - كىسى بويىنداعى ادەمىلىكتى، سۇلۋلىقتى كورە ءبىلۋ. سول ادامعا جاعىمدى ماداق ايتۋ. اينالاڭداعى جانداردان ماداقتاۋ ەستۋ، ارينە، كوڭىلىڭنىڭ حوشىن كەلتىرەتىنى ءسوزسىز.

بۇكىل الەمدىك ازاماتتىق قورعانىس كۇنى

1990 -جىلى ب ۇ ۇ باس اسسامبلەياسى حالىقارالىق ازاماتتىق قورعانىس ۇيىمىنىڭ (ح ا ق ۇ) Ⅸ سەسسياسىندا بۇكىل الەمدىك ازاماتتىق قورعانىس كۇنىن جىل سايىن ناۋرىزدىڭ 1 ىندە اتاپ ءوتۋ تۋرالى شەشىم شىعارىلدى. 1972-جىلى ءدال وسى كۇنى ح ا ق ۇ ۇكىمەتارالىق ۇيىم مارتەبەسىنە يە بولعان. دۇنيەجۇزىلىك ازاماتتىق قورعانىس كۇنى ازاماتتىق قورعاۋ مەن قورعانىس ۇلتتىق قىزمەتتەرى اتقاراتىن ماڭىزدى ماقساتتارىنا قوعام نازارىن اۋدارۋ ءۇشىن اتالىپ وتەدى.

«كەمسىتۋشىلىكتى بولدىرماۋ» كۇنى

ا ي ت ۆ اۋرۋ تارالۋىن توقتاتىپ، جيتس ەپيدەمياسىن جەڭۋ ءۇشىن، ب ۇ ۇ بىرلەسكەن باعدارلاماسى باستاماسىمەن اتاپ وتىلەدى. ماقساتى - اتالمىش ۆيرۋستى جۇقتىرعان ادامداردى كەمسىتۋدى بولدىرماۋ.

ەستە قالار وقيعالار

1972-جىلى قازاقستانداعى ەڭ ءىرى كوپسالالى ۋنيۆەرسيتتەردىڭ ءبىرى - ە. ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتى قۇرىلدى.

1993 -جىلى الماتىداعى كوسموناۆتار كوشەسى احمەت بايتۇرسىن ۇلى اتىنداعى كوشە بولىپ وزگەردى.

1995 -جىلى قازاقستان رەسپۋبليكاسى پرەزيدەنتىنىڭ جارلىعىمەن قازاقستان حالقى اسسامبلەياسى قۇرىلدى. قازاقستاننىڭ تۇڭعىش پرەزيدەنتى اسسامبلەيانىڭ ءتوراعاسى بولىپ تابىلادى جانە ونىڭ قىزمەتىنىڭ نەگىزگى باعىتتارىن انىقتاپ، بەكىتەدى، سونىمەن قاتار سەسسياسىن شاقىرادى. اسسامبلەيا قۇرامى مەملەكەتتىك ورگانداردىڭ، ۇلتتىق-مادەني جانە باسقا دا قوعامدىق بىرلەستىكتەردىڭ وكىلدەرىنەن، سونىمەن قاتار قوعامدىق-ساياسي بەلسەندى تۇلعالاردان تۇرادى. اسسامبلەيانىڭ 350 مۇشەسى بار. جالپى قازاقستاندا 130 عا جۋىق ەتنوس مەكەندەيدى.

1995-جىلى قازاقتىڭ تۇڭعىش عارىشكەرى توقتار اۋباكىروۆكە «التىن جۇلدىز» بەن «حالىق قاقارمانى» اتاعى بەرىلدى. وسىنداي ناگرادالاردى سونداي-اق ت. مۇسابايەۆ پەن يۋ. مالەنچەنكو الدى، سونىمەن بىرگە ولارعا «قازاقستاننىڭ عارىشكەر- ۇشقىشى» اتاعى بەرىلدى.

1999 -جىلى «وتان» رەسپۋبليكالىق پارتياسى قۇرىلدى. 2006 -جىلعى جەلتوقساننىڭ 22-سىندەگى كەزەكتەن تىس X سەزىندە بىرنەشە پارتيانىڭ بىرىگۋىمەن «وتان» پارتياسى «نۇر وتان» حالىقتىق-دەموكراتيالىق پارتياسىنا اينالدى. 2013-جىلدىڭ 18- قازانىندا اتاۋى «نۇر وتان» پارتياسى بولىپ وزگەردى.

2005 -جىلى كورەيا شەتەلدىك زەرتتەۋلەر ۋنيۆەرسيتەتىندە (كورەيا رەسپۋبليكاسى) العاش رەت قازاق ءتىلى بولىمشەسى اشىلدى.

2010 -جىلى استانادا مەملەكەت تاريحى ينستيتۋتى جانىنان دوكتورلىق ديسسەرتاتسيالاردى قورعاۋ جونىندەگى ديسسەرتاتسيالىق كەڭەس اشىلدى. بۇدان بىلاي ەلوردادا تاريح سالاسى بويىنشا دوكتورلىق ديسسەرتاتسيالاردى ەكى ماماندىق بويىنشا - وتاندىق تاريح (قازاقستان رەسپۋبليكاسىنىڭ تاريحى) جانە تاريح جىلناماسى، دەرەككوزتانۋ جانە تاريحي زەرتتەۋلەر ادىستەمەسى ماماندىقتارى بويىنشا قورعاۋعا بولادى.

2010 -جىلى ۆارشاۆادا «قازاق كيىز ءۇيى». ۆلادىسلاۆ سوكولوۆسكي. ونەر، مادەنيەت، ءبىلىم، حالىقارالىق كونسالتينگ جانە ساۋدا ورتالىعى» جاڭا ۇيىمى اشىلدى. ونى پولياك ديپلوماتى جانە قوعام قايراتكەرى، پولشانىڭ قازاقستانداعى بۇرىنعى ەلشىسى (2003-2006)، پولياكتىڭ «مەنىڭ قازاقستانىم» ۇكىمەتتىك ەمەس ۇيىمىنىڭ ءتوراعاسى ۆلادىسلاۆ سوكولوۆسكي قۇردى. قازاقستان مادەنيەتى مەن ونەرىن باعالاي بىلەتىن ول قازاق كيىز ءۇيىنىڭ ءىشىن جاساۋلاپ، قازاق مۋزىكالىق اسپاپتارىن، باس كيىمدەردى، كەراميكا مەن قولادان جاسالعان شەبەرلەردىڭ كونە جادىگەرلەرىن قويدى. «قازاق كيىز ءۇيى» ۇيىمى قازاقستان مەن پولشا اراسىنداعى مادەني-گۋمانيتارلىق جانە ىسكەرلىك ىنتىماقتاستىقتى ودان ءارى دامىتۋعا ارنالعان.

2012 -جىلى ءال-فارابي اتىنداعى قازاق ۇلتتىق ۋنيۆەرسيتەتىنىڭ حالىقارالىق قاتىناستار فاكۋلتەتى ب ۇ ۇ قوعامدىق اقپارات دەپارتامەنتىمەن بىرلەسىپ، ب ۇ ۇ الماتى حالىقارالىق مودەلىن وتكىزدى. بۇل جاھاندىق ستۋدەنتتەر جوباسىنا ءتۇرلى ەلدەردەن كەلگەن 100 دەن استام ستۋدەنت قاتىستى.

2013 -جىلى ق ر ۇلتتىق بانكى قازاق كومپوزيتورى، ديريجەر، پەداگوگ جانە قوعام قايراتكەرى مۇقان تولەبايەۆتىڭ تۋعانىنا 100 جىل تولۋىنا ارنالعان 50 تەڭگەلىك ەسكەرتكىش مونەتا شىعاردى.

2016-جىلى قازاقستان جولدارداعى اپاتتىق جاعدايلار ورىن العاندا جەدەل قىزمەتتەردى شاقىرۋعا باعىتتالعان سپۋتنيكتىك «ەۆاك» جۇيەسىن ەنگىزدى.

2017 -جىلى Discovery Communications كومپانياسىنىڭ بولىمشەسى Discovery Networks CEEMEA قازاقستاننىڭ ۇلتتىق وپەراتورى «كازتەلەراديو» اق ارىپتەستىك اياسىندا بىرلەسە وتىرىپ قازاقستاندا جاڭا ارنا - Discovery Showcase HD اشتى. Discovery Showcase HD قازاقستانداعى اۋديتورياعا وزدەرىنىڭ سۇيىكتى شوۋلارىن HD- فورماتىندا مەملەكەتتىك تىلدە تاماشالاۋعا مۇمكىندىك ۇسىنعان العاشقى شەتەلدىك ارنا بولدى.

2018-جىلى حالىقارالىق تۇركى اكادەمياسى (TWESCO) 2018 -جىلدى «ماعجان جىلى» دەپ جاريالادى. بۇنداي شەشىم اقيىق اقىن ماعجان جۇمابايەۆتىڭ 125 جىلدىعىنا وراي قابىلداندى.

2019 -جىلى ارحەولوگتار تۇركىستانداعى «ازىرەت- سۇلتان» مەملەكەتتىك تاريحي- مادەني قورىق- مۇراجايىنىڭ اۋماعىنان، قاراشىق وزەنىنىڭ وڭ جاعالاۋىنان بالشىقتان كىرپىش كۇيدىرۋگە ارنالعان پەشتى تاپتى. بۇل شامامەن XIV عاسىرعا تيەسىلى. وسى جەردەن ءتۇستى مەتالدار بالقىتاتىن پەش ورنى دا انىقتالدى، ول انتيكا داۋىرىنە تيەسىلى بولىپ وتىر. ارحەولوگتار كىرپىشتى كەپتىرەتىن ورىندى دا ارشىعان.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات