+7 (701) 759 90 19
+7 °С : نۇر-سۇلتان
+14 °С : الماتى
USD 432.94 EUR 513.68
RUB 5.62 CNY 66.1
جاڭالىقتار

باس سانيتاردىڭ جاڭا قاۋلى: 1 - ناۋرىزدان قانداي وزگەرىستەر بولادى

27 اقپان 22:38
:ءبولىسۋ
باس سانيتاردىڭ جاڭا قاۋلى: 1 - ناۋرىزدان قانداي وزگەرىستەر بولادى

نۇر- سۇلتان. قازاقپارات – ق ر د س م سانيتاريالىق- ەپيدەميولوگيالىق باقىلاۋ كوميتەتى سايتىندا باس مەملەكەتتىك سانيتار دارىگەرى ەرلان قياسوۆتىڭ جاڭا قاۋلىسى جاريالاندى، دەپ حابارلايدى قازاقپارات.

جاڭا قاۋلىعا سايكەس:

«2. وبلىستاردىڭ، الماتى، نۇر- سۇلتان، شىمكەنت قالالارىنىڭ اكىمدەرى، ورتالىق مەملەكەتتىك ورگاندار، قۇقىق قورعاۋ جانە ارنايى ورگاندار:

1) ويىن- ساۋىق ءىس- شارالارىن، كورمەلەردى، فورۋمداردى، كونفەرەنتسيالاردى، سونداي- اق وتباسىلىق، سالتاناتتى، ەستەلىك ءىس- شارالاردى (بانكەتتەر، ۇيلەنۋ تويلارى، مەرەيتويلار) ، ونىڭ ىشىندە ۇيدە جانە ادامدار كوپ جينالاتىن وزگە دە ءىس- شارالاردى وتكىزۋگە تىيىم سالۋدى؛

2) بۋكمەكەرلىك كەڭسەلەردىڭ قىزمەتىنە تىيىم سالۋدى؛

3) كەزەكشى توپتاردى قوسپاعاندا، مەكتەپكە دەيىنگى بالالار مەكەمەلەرىنىڭ قىزمەتىنە تىيىم سالۋدى؛

4) مەرەكەلىك كورپوراتيۆتەردى ۇيىمداستىرۋ مەن وتكىزۋگە تىيىم سالۋدى؛

5) بالالاردى ساۋىقتىرۋ لاگەرلەرىنىڭ قىزمەتىنە تىيىم سالۋدى؛

6) ۇلتتىق قۇراما، كلۋب كوماندالارى ءۇشىن سپورتتىق جاتتىعۋلارعا رۇقسات بەرۋدى (30 ادامنان ارتىق ەمەس، بايلانىسسىز تەرمومەتريا، سپورتتىق بازالاردا تۇرۋ) ؛

7) قوعامدىق كولىككە، تاكسيگە، اۋەجايلارعا، بالالاردىڭ اۋلا الاڭدارىنا، ازىق- تۇلىك جانە ازىق- تۇلىك ەمەس بازارلارعا جانە باسقا دا قوعامدىق ورىندارعا سانيتاريالىق جانە دەزينفەكسيالىق وڭدەۋ جۇرگىزۋدى؛

8) قازاقستان رەسپۋبليكاسى ۇلتتىق بانكىنىڭ جانە قازاقستان رەسپۋبليكاسى قارجى نارىعىن رەتتەۋ جانە دامىتۋ اگەنتتىگىنىڭ اكتىسىنە سايكەس ۋاقىتى مەن سانى بويىنشا شەكتەۋ ارقىلى قارجى نارىعى سۋبەكتىلەرىنىڭ قىزمەتىنە رۇقسات بەرۋدى؛

9) 2020-2021 وقۋ جىلىنىڭ ءۇشىنشى توقسانىندا مىناعان:

- وقۋشىلار سانى 300 گە دەيىن كونتينگەنتى بار، سىنىپتارداعى بالالار سانى 15 كە دەيىن بولاتىن قالالىق جانە اۋىلدىق مەكتەپتەردە ءداستۇرلى فورماتتا وقىتۋعا؛

- 2021 -جىلعى 1- ناۋرىزدان باستاپ جالپى ءبىلىم بەرەتىن مەكتەپتەردە 1 دەن 5-سىنىپقا دەيىن قوسا العاندا، حالىقارالىق مەكتەپتەردە 1 دەن 7-سىنىپقا دەيىن قوسا العاندا ارالاس وقىتۋعا؛

- وقۋ بىتىرەتىن سىنىپتار (9, 11 (12) سىنىپتار) ءۇشىن اپتانىڭ 6 كۇنى ىشىندە ارالاس وقىتۋعا: پاندەردىڭ %70 ى شتاتتىق رەجيمدە، %30 ى قاشىقتان وقىتۋعا (سىنىپتا 15 ادامنان ارتىق ەمەس، الەۋمەتتىك قاشىقتىقتى ساقتاۋ، 1 سىنىپ - 1 كابينەت قاعيداتى بويىنشا وقىتۋ، ءبىر ۋاقىتتا مەكتەپتە جوبالىق قۋاتتىڭ %30 دان اسپايتىن ادامنىڭ بولۋى، سانيتاريالىق- دەزينفەكتسيالىق رەجيمدى، ماسكا رەجيمىن كۇشەيتۋ) ؛

- ءبىلىم بەرۋ مەكەمەسى اكىمشىلىگىنىڭ شەشىمى بويىنشا ساباقتان تىس ۋاقىتتا 15 ادامنان اسپايتىن توپتاردا وقۋشىلاردى جەكە وقىتۋعا رۇقسات بەرۋدى؛

10) كوللەدجدەر مەن جوعارى وقۋ ورىندارىنىڭ I كۋرس ستۋدەنتتەرى ءۇشىن ەكىنشى سەمەستردەن باستاپ شتاتتىق وقۋعا رۇقسات بەرۋدى؛

11) ماسكا رەجيمىن جانە كەمىندە 2 مەتر قاشىقتىقتى ساقتاي وتىرىپ، 15 ادامنان اسپايتىن جەكە جانە ۇيىمداسقان توپتار ءۇشىن ەرەكشە قورعالاتىن تابيعي اۋماقتارعا (مەملەكەتتىك ۇلتتىق تابيعي پاركتەرگە، قورىقتارعا، رەزەرۆاتتارعا جانە باسقالارعا) بارۋعا رۇقسات بەرۋدى؛

12) وسى قاۋلىعا 3-قوسىمشاعا سايكەس الگوريتمدى ساقتاي وتىرىپ، كوزبە- كوز رەجيمدە كەڭەستەر (وتىرىستار) وتكىزۋگە رۇقسات بەرۋدى (ولاردى قاشىقتان وتكىزۋ مۇمكىندىگى بولماعان كەزدە) ؛

13) وڭىرلەردەگى ەپيدەميولوگيالىق جاعدايدى ەسكەرە وتىرىپ، «بالداۋرەن» رەسپۋبليكالىق وقۋ- ساۋىقتىرۋ ورتالىعى» جانە «بوبەك» ۇلتتىق عىلىمي- پراكتيكالىق ءبىلىم بەرۋ جانە ساۋىقتىرۋ ورتالىعى» ر م ق ك قىزمەتىنە رۇقسات بەرۋدى؛

14) ارنايى، مامانداندىرىلعان ۇيىمداردىڭ، ەرەكشە ءبىلىم بەرۋ قاجەتتىلىگى بار بالالارعا ارنالعان ارنايى مەكتەپ- ينتەرناتتاردىڭ (ونىڭ ىشىندە اتا- اناسىنىڭ قامقورلىعىنسىز قالعان جەتىم بالالارعا ارنالعان) ، جالپى ۇلگىدەگى مەكتەپ- ينتەرناتتاردىڭ، دارىندى بالالارعا ارنالعان مەكتەپ- ينتەرناتتاردىڭ) قىزمەتىنە رۇقسات بەرۋدى؛

15) ءبىر مەزگىلدە 30 ادامنان ارتىق ەمەس جينالا وتىرىپ، كۇشەيتىلگەن سانيتاريالىق- دەزينفەكتسيالىق رەجيمدى ساقتاعان جاعدايدا وبلىستىق كوماندالاردى دايارلاۋ ءۇشىن وقۋ- جاتتىعۋ جيىندارىن قايتا باستاۋعا رۇقسات بەرۋدى؛

16) وسى قاۋلىعا 4-قوسىمشاعا سايكەس ولشەمشارتتار نەگىزىندە الەۋمەتتىك- ەكونوميكالىق وبەكتىلەردىڭ قىزمەتىن شەكتەۋدى قامتاماسىز ەتسىن. بۇل رەتتە كۇشەيتىلگەن كارانتيندىك شارالار قابىلدانعاننان كەيىن كەمىندە 7 كۇن ساقتالادى. كارانتيندىك شارالاردى جەڭىلدەتۋ سارى نەمەسە جاسىل ايماققا كوشكەننەن كەيىن 2 اپتادان ەرتە جۇرگىزىلمەيدى؛

17) ق ر ب م س د №67 قاۋلىسىنا 46-قوسىمشانىڭ تالاپتارىن ساقتاي وتىرىپ، ءبىلىم بەرۋ وبەكتىلەرىندەگى قوعامدىق تاماقتاندىرۋ وبەكتىلەرىنىڭ قىزمەتىنە رۇقسات بەرۋدى قامتاماسىز ەتسىن» .

«وسى قاۋلىنىڭ ورىندالۋىن باقىلاۋدى وزىمە قالدىرامىن.. وسى قاۋلى 2021 -جىلعى 1- ناۋرىز ساعات 00-دەن باستاپ كۇشىنە ەنەدى» ، - دەپ اتالىپ وتكەن باس مەملەكەتتىك سانيتار دارىگەرىنىڭ قاۋلىسىندا.

اتالعان قاۋلىنىڭ تولىق نۇسقاسىمەن مىنا جەردەن تانىسۋعا بولادى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات