ارمەنيادان اكەلىنگەن كولىكتەردى تىركەۋ مەرزىمى تاعى 1 جىلعا ۇزارتىلدى
ق ر ىشكى ىستەر مينيسترلىگى مەملەكەت باسشىسىنىڭ تاپسىرماسىن ورىنداۋ اياسىندا ارمەنيا رەسپۋبليكاسىنىڭ ۋاكىلەتتى ورگاندارىندا قازاقستان رەسپۋبليكاسىنىڭ ازاماتتارىنا تىركەلگەن جانە 2020 -جىلعى 1 اقپانعا دەيىن قازاقستان رەسپۋبليكاسىنا اكەلىنگەن كولىك قۇرالدارىن تىركەۋ بويىنشا جۇمىس جۇرگىزۋدە.
مينيسترلىك مالىمەتىنشە، قازىرگى ۋاقىتتا تىركەۋ شارتتارىنا سايكەس 20 مىڭنان استام اۆتوموبيل ەسەپكە قويىلدى. سونىمەن قاتار، 1 مىڭنان استام اۆتوكولىك يەلەرىنە ءوز اۆتوموبيلدەرىن تىركەۋگە نەمەسە ولاردى ەلدەن تىس جەرلەرگە اكەتۋگە مۇمكىندىك بەرمەگەن ءبىرقاتار وبەكتيۆتى سەبەپتەر بار.
اتاپ ايتقاندا، كۇردەلى ەپيدەميولوگيالىق جاعدايعا جانە كارانتيندىك شەكتەۋلەردىڭ ۇزاققا سوزىلعان سيپاتىنا بايلانىستى مەملەكەتتىك شەكارانى كەسىپ ءوتۋ شەكتەۋلەرىنە بايلانىستى اۆتوكولىكتى ارمەنياعا كەرى اكەتۋ پروبلەمالارى تۋىندادى.
كەيبىر اۆتوكولىك يەلەرى، سونداي- اق كارانتينگە بايلانىستى، اككرەديتتەلگەن زەرتحانالاردا قايتا جابدىقتالعان اۆتوموبيلدەرگە ۋاقىتىلى سىناق جۇرگىزە المادى، ولار بارلىق وڭىردە جوق.
«قارجى پيراميدالارى» بويىنشا قىلمىستىق ىستەردى تەرگەۋگە بايلانىستى يەلەرىنىڭ كوپ بولىگى ادال ساتىپ الۋشىلار بولىپ تابىلاتىن ءبىرقاتار اۆتوموبيلدەردى (اۆتوكولىك لومباردتارداعى، ميكروكرەديتتىك ۇيىمدارداعى كەپىلدىك مۇلىك بولىپ تابىلادى) پايدالانۋ شەكتەلگەن.
وسى پروبلەمالاردى ەسكەرە وتىرىپ، ۇكىمەت وسى جىلعى 27 - اقپاندا وسىنداي اۆتوموبيلدەردى تىركەۋ مەرزىمدەرىن 2022 -جىلعى 1 - ناۋرىزعا دەيىن ۇزارتۋ تۋرالى شەشىم قابىلدادى (ۇكىمەتتىڭ №104 قاۋلىسى) .
وسىلايشا، ارمەنيا رەسپۋبليكاسىندا تىركەلگەن جانە ءبىزدىڭ ەلگە 2020 -جىلعى 1 -اقپانعا دەيىن اكەلىنگەن كولىك قۇرالدارىنىڭ يەلەرى - قازاقستان ازاماتتارىنا ءوز اۆتوموبيلدەرىن ەسەپكە قويۋ ماسەلەلەرىن شەشۋ ءۇشىن قوسىمشا ۋاقىت بەرىلدى»،- دەدى ق ر ءى ءى م- نەن.
سونىمەن قاتار، قازىرگى ۋاقىتتا ارمەنيا ۇكىمەتىمەن كەلىسىم بويىنشا قازاقستاندا تىركەۋدەن وتكەن وسىنداي اۆتوموبيلدەردىڭ يەلەرىن ارمەنياداعى سالىق مىندەتتەمەلەرىنەن بوساتۋ تۋرالى ۇكىمەتارالىق كەلىسىم ىشكى جانە مەملەكەتارالىق راسىمدەردەن وتۋدە. بۇل شارالار اۆتوكولىك يەلەرى ءۇشىن (ارمەنيا مەن قازاقستاندا) «قوسارلانعان» سالىق سالۋدى بولدىرماۋعا باعىتتالعان.
مەملەكەتتىك ورگاندار قازاقستان رەسپۋبليكاسى ۇكىمەتىنىڭ اتالعان شەشىمدەرىن ىسكە اسىرۋ بويىنشا ءتيىستى شارالار قابىلدايتىن بولادى.