تايۆان 1- ناۋرىزدان باستاپ شەتەلدىكتەردى كىرگىزە باستايدى
بۇل تۋرالى قازاقپارات تايۆان ورتالىق اقپارات اگەنتتىگىنە سىلتەمە جاساپ حابارلايدى.
جاڭا ەرەجەلەرگە سايكەس، شەتەلدىك ازاماتتار تايۆاننىڭ ءتيىستى وكىلدىكتەرىنەن ۆيزاعا رۇقسات العاندا جانە كوروناۆيرۋسقا تەرىس ناتيجەلى تەست تاپسىرعان جاعدايدا ارالعا كىرە الادى. بۇل رەتتە كوروناۆيرۋستىڭ تارالۋ قاۋپى تومەن نەمەسە ورتاشا ەلدەردەن ىسكەرلىك تۋريزم ماقساتىندا كەلەتىن ادامدار مىندەتتى كارانتين كەزەڭىن ەكى اپتادان 5-7 كۇنگە دەيىن قىسقارتۋعا ءوتىنىم بەرە الادى.
تايۆان بيلىگى ۇلى بريتانيانىڭ كوروناۆيرۋس ينفەكسياسىنىڭ جاڭا شتاممىنىڭ تارالۋى اياسىندا 1 -قاڭتاردان باستاپ شەتەلدىكتەردىڭ كىرۋىنە ۋاقىتشا تىيىم سالعان ەدى. سودان بەرى ارالعا تەك تۇرعىندار مەن ۆيرۋستىڭ تەرىس سىناعى بولعان جەكە ادامدار توبى جىبەرىلدى. بارلىق ترانزيتتىك رەيستەر دە توقتاتىلعان بولاتىن. پاندەميا باستالعاننان بەرى تايۆاندا COVID-19 اۋرۋىنىڭ الەمدەگى ەڭ تومەنگى كورسەتكىشتەرىنىڭ ءبىرى تىركەلگەن. ارالدا تىركەلگەن جاعدايلاردىڭ جالپى سانى 946 عانا.
اۆتور: گۇلزات اقجولوۆا