قازاقستان تۇرعىن ءۇي قۇرىلىسى بويىنشا ت م د ەلدەرى اراسىندا 1-ورىندا
ۆەدموستۆونىڭ مالىمەتىنشە، بىلتىر قازاقستاندا تۇرعىن ءۇيدى پايدالانۋعا بەرۋ كورسەتكىشى جان باسىنا شاققاندا 0,81 شارشى مەترگە جەتتى.
«بۇل ت م د ەلدەرى اراسىنداعى ەڭ جوعارى كورسەتكىش جانە ول ەكونوميكالىق دامىعان ەلدەردىڭ دەڭگەيىنە جاقىندادى. ماسەلەن، وتكەن جىلدىڭ قورىتىندىسى بويىنشا رەسەيدە - 0,56 شارشى مەتر، بەلارۋس ەلىندە - 0,45 شارشى مەتر، ال وزبەكستاندا - ءبىر ادامعا 0,36 شارشى مەتر تۇرعىن ءۇي پايدالانۋعا بەرىلگەن»، دەلىنگەن حابارلامادا.
بۇل كورسەتكىش 2019-جىلدان باستاپ ولشەنىپ كەلەدى جانە قازاقستان ەكىنشى جىل قاتارىنان ت م د ەلدەرى اراسىندا كوشباسشى بولدى.
«نۇرلى جەر» مەملەكەتتىك تۇرعىن ءۇي-كوممۋنالدىق دامۋ باعدارلاماسىنىڭ شەڭبەرىندە حالىققا قولايلى تۇرمىس جاعدايىن جاساۋ، تۇرعىن ءۇي قولجەتىمدىلىگى مەن جايلىلىعىن ارتتىرۋ، سونداي- اق تۇرعىن ءۇي ينفراقۇرىلىمىن دامىتۋ - مەملەكەتتىك ساياساتتىڭ باسىم باعىتتارى»، - يندۋستريا جانە ينفراقۇرىلىمدىق دامۋ مينيسترلىگىنىڭ قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتىنىڭ ءتوراعاسى مارحابات جايىمبەتوۆ.
ەستەرىڭىزگە سالا كەتەيىك، 2020-جىلى باعدارلامانىڭ بارلىق قارجىلاندىرۋ كوزدەرىنەن ءبىرىڭعاي تۇرعىن ءۇي ساياساتىن ىسكە اسىرۋ جونىندەگى تاپسىرما اياسىندا رەكورد 15,3 ميلليون شارشى مەتر تۇرعىن ءۇي پايدالانۋعا بەرىلدى، بۇل 2019-جىلعى كورسەتكىشتەن %16,8 ارتىق.